La Usc di Ladins

Se à serà su en mercol ai 18 de setember l’ejercitazion »Stella Alpina 24« che à vedù se arcedèr per passa doi setemènes, sun Fedaa jai piesc de la Marmolèda, più che 600 militères del Eserzit talian di Reparc spezialisé. En chel dì l Minister de la Defendura Guido Crosetto (l era stat anunzià ence la prejenza del president de la Republica Sergio Mattarella ma al ultim la é stata tirèda en do, ndr) l à tout pèrt a l’ativitèdes, l se à out ai omegn e la femenes protagonisć de la ejercitazion e l à sotlineà: »Te pec meisc aede fat vèresc n muie gregn. Vèlch una de la ativitèdes che aon vedù anché, fin acà pech temp, no les vegnia fates. No podaane nience rejonèr de ‘bola tatica’ che fossa la capazità de se defener tel ciamp eletromagnetich, e ades podon l fèr.«

La gran ejercitazion sun Fedaa à soscedà gran marevea ma ence lamentanzes. Zenza avisèr o se coordenèr ne con l’aministrazions de la val ne con la istituzions economiches l é stat serà l spazie aereo, no aessa podù sgolèr nience l jolier del Socors da mont.

De più su La Usc stampèda de en vender ai 27 de setember.

 (Monica Cigolla)