La Usc di Ladins

Raprejentanc dles istituziuns y uniuns ladines s’á encunté por lascé detlaré les liondes ladines desco patrimone Unesco. Cösc foss sogü val’ de bel, co portass ciamo plü atraziun a nüsc paisc. Mo tanc de chisc, co s’á endüné, á mo lit i articui de Ulrike Kindl tla Ladinia (VI 1982) y sön le Rëgn Fanes (IX 1984)? Sce an lî chisc articui bel con calma y avisa, spo mo tëmi che püc ess ciamó le coraji da partezipé ala promoziun dles liondes ladines desco patrimone Unesco. L’argomentaziun de chisc articui n’oressi atló nia porté dant por monü, mo la conclujiun sön les liondes ladines y dandadöt chëres dal Rëgn de Fanes toma fora en pü’ atramonter. (Letra de Jep Agreiter, Brach/La Pli de Mareo)