La Usc di Ladins

L fova n iede, nchin al auter di, n bel pra te chël bel chemun de Santa Cristina. N pra de na forma mujela, n pitl col y na conca che al poet lecurdova la formes de na bela landa. Povester perchël pudòven danterëures cun mpue de pazienza udëi i rehli che vardova ora ch’la bela ierba.
La logica de chësc sistem ne se fërma nia dan n tel pitl romantizism. Deplù, nuef, majer y modern: la ngordia ne se fërma nia, ne à mei assé! N tumor che nes maia su!
Puech plu insù sot a n Crist iel scrit: »Mé chi che vëija la marueia dla natura ne la desdruj nia. Perchël bon Die, fé che la udon«. Me tëme che l sibe massa tert sce ne on nia tosc assé. (Letra de Hagen Kasslatter, Burgstall)