La Usc di Ladins

La »Lege ladina« o »Lege Alfreider« dl 2017 é tan gnüda laldada sö desche ara i ess porté ai Ladins na linia de rajuns denant mai godüdes. Indere la lege ne baia nia de rajuns, mo ma de »poscibilités« y chëres savunse bëgn che é la gran pert nia ater co ciacoles por pajé ia val’ critica. I Ladins ciafa aladô dla »Lege ladina« ma la poscibilité da rové tles Comisciun di 12 y di 6, da gní presidënt dla Junta provinziala, mo altamo le dërt da curí le post da vizepresident dl Consëi provinzial! Chësc é le su dërt garantí y bele gnü metü en pratica. Chësc é ince gnü conzedü le plö saurí, deache i taliagn y i todësc á la rajun da avëi n vizepresidënt! I savun danfora che no i taliagn y no i todësc ne dará mai ca n so post por le ladin; chësta poscibilité é y restará tres ma na utopia che an ess podü se sparagné da damané: i Ladins messass avëi la rajun da rové sön chi scagns dic dessura, döt l’ater é ma ciacoles! (Letra de Lois Trebo, Badia)

De plu tla edizion stampeda de La Usc di Ladins o sun l e-paper a paiament www.lausc.it/e-paper