La Usc di Ladins

Sambën che ne on nia na parola ladina per chësc gran spavent che ie bele tlo! La nutizies dal mond ie ncherscëules: dlonch ulache l uedl cëla, iel vieres. La puvertà se sparpanieia ora sciche la pest, popi che ne à nia da maië, dlongia saudeies sëura dut l mond che à ermes y mondures ora de catalogh! Scioldi per ermes d’uni sort n iel for assé. La populazion mundiela vën for plu puera ntan che l malan chega for sun l medemo grum de ch’i cater richons.
La storia conta da for incà de rëiesc y de guvernanc ora dala grazia de Die, ma tan n gran grum de mac cun n ciurnedel coche śën, ne ons rati mo mei abù. Perdrët me ncunfertovi a jì n pension, ma śën me ndebiti dassënn. Mei al mond ne me ëssi mpensà de messëi fé i conc cun n tel daunì. Bel da se desperé.

(Letra de: Hagen Kasslatter, Santa Cristina)