Ce planta iel pa?
La Lia Mostra d’Ert–Circolo de Urtijëi à l plajëi de nvië a na sëira de referat cun Iacun Prugger, n juebia, ai 7 de setëmber dala 20:00, tla biblioteca dla Lia Mostra d’Ert
L se trata de na sëira de botanica de plantes da tlo: do na pitla ntroduzion ti cialeràn deberieda a n valguna plantes y n mparerà co les identifiché.
Iacun Prugger à studià botanica a Dispruch y se dà ju cun la flora y fauna de nosc raions, dantaldut nce cun la sortes de plantes che ie da abiné tlo ncantëur.
Rap night tl Circolo
N vënderdi ai 8 de setëmber dala 20:00 inant tl self dla mostres dla Lia Mostra d’Ert
La cultura dl rap fej tapa te Gherdëina cun na manifestazion tla sala dla Lia Mostra d’Ert-Circolo a Urtijëi. Ma nia »mé« rap. Davia che vivon te na valeda de plurilinguism saràl da audì rap te trëi rujenedes: l tudësch de Emef (GVG Records) y Big Wax, l ladin di culetifs Panda la 9 de Gherdëina y Ethnic Techniques y Cooperaziun Planta dala Val Badia, l talian de Raise y Vlad44 (GVG Records). Chisc ultimi doi purterà sun palch na show che n’ëis bonamënter mo mei udù: na battle a colps de rimes, scrites propi per bater (y bater ju) l auter, mparedes adamënz; na sort de mescedoz danter na ndesfida de freestyle y n poetry slam, ulache nce l publich puderà se lascé audì. Sambën puderàn nce se bever zeche.
Duc ie nviei de cuer.
Manifestazions atuales speziales
Publichedes tla edizion dl 01 de setember 2023
Galaria retrac
View the embedded image gallery online at:
https://www.lausc.it/manifestazions-y-evenc/24748-manifestazions-atuales#sigProId62c97d09fe
https://www.lausc.it/manifestazions-y-evenc/24748-manifestazions-atuales#sigProId62c97d09fe