04.06.
Cult rituai da inier y incö: Santuari de Souramont
Dales 20:50 ca. Program de Giulia Tasser y Hans Peter Karbon, a cura de Alessandro Dapunt.
05.06.
Mendret – mendranzes tel mond. Enrescides dovìa la tradizions
Dales 20:50 ca. Che che se sconèl vindò n enrescida storica? Co se rencurèl pa a la veia tradizions? Co se tegnèles pa adum tel temp? Te chesta puntata de Mendret jon a responer a chesta costions de gra al lurier fat sui guanc da zacan da l Istitut Cultural de Fascia e la mendranza Arbëreshë. Program de Matilde Gazzini, a cura de Anna Mazzel.
06.06.
Scenar ert y cultura
Dales 20:50 ca. Program de Ivan Senoner y Georg Penn, a cura de Leo Senoner.
Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
31.05.
Daniele Bagozza campion de Snowboard
Dales 19:05. Daniele Bagozza, atleta de snowboard de Urtijëi, à chëst ann fat scialdi na bona sajon da d’inviern cun de bon plazamënc a livel mundiel, cun sies podesć de ndut te Copa dl Mond y de chisc cater devëntes. Per l merit tl sport tl’ultima sajon da d’inviern à l atleta nce giapà na uneranza da pert dl Chemun de Urtijëi. Cun Daniele rujenons dla sajon passeda, ma nce n generel de si pascion per l sport. Trasmscion de David Lardschneider.
01.06.
Helen Keller
Dales 19:05. Al 1. de jügn dl 1968 morî Helen Keller, scrituria, reladëssa y ativista politica. Ara é conesciüda por ester stada la pröma ëra vercia y surda che se á laureé. Na storia de resiliënza, superaziun, orenté y coraje. Chëstes y deplü informaziuns podarëise ascuté sö tratan la trascmisciun. Program de Iris Del Valle.
02.06.
Agorà – 15 ani »Puhin
Dales 19:05. »L Puhin« fova riesc deventà na realtà cuncreta te Gherdëina y ova giapà n publich afeziunà. Si pont sterch fova zënzauter chël de dì minonghes taientes y ndependëntes. La rubriches laite tla zaita fajova da ventil a na sozietà che vivova pea a plën l tëmp dla digitalisazion. Propi perchël univa scrita granda la ulentà de mantenì l Puhin mé sun papier. Dlongia la tematiches cultureles plu desfrëntes, ova l Puhin nce elemënc umoristics, che fajova a na maniera che la persones se ncunfertova uni iede a l pië do, canche l univa ora, o miec, canche l fajova coa. (Segonda pert). Trasmiscion de Ivan Senoner.
04.06.
»Cunties
View the embedded image gallery online at:
https://www.lausc.it/manifestazions-y-evenc/27244-manifestazions-atuales#sigProIde92bf84d88
https://www.lausc.it/manifestazions-y-evenc/27244-manifestazions-atuales#sigProIde92bf84d88
Dales 19:05. De Löna y Sorëdl, sintí y rajun, de mitologia y parores che mancia. Dal roman de Mattia Maldonado. Cun Mattia Maldonado y Simon Kostner, a cura de Alessandro Dapunt.
05.06.
Ercabuan, i colores de la pesc: L Ben comun
Dales 19:05. Informazion, cognoscenza e azions per l Ben Comun é i ingredienc per n svilup de na cultura de pesc olache tres l dialog e l confront se pel ruèr a viver miec te na prospetiva de pesc. En rejonon con Massimo Girardi, program de Anna Mazzel.
Religion
02.06.
Pruzescion de Dumënia dai Andli
La pruzescion unirà fata nce chëst ann, n dumënia ai 2 de juni. Dala 07:35 pëierà la Lia Guant dala gherdëina via dala Plaza de Sant Antone su tres l raion da jì a pe nchin pra dlieja, ulache l sarà la Santa Mëssa dala 08:00. Do mëssa saràl pona la pruzescion tradiziunela dala streda Stufan ite nchin sun plaza de Urtijëi.
02.06.
Dumënia dai Andli: mëssa cianteda y pruzescion
La Santa Mëssa cianteda sarà tla dlieja de Sëlva dala 09:30 y daldò saràl la pruzescion tradiziunela cun la trohtes.
08.06.
»Jesus, Kids & Teens«
Cun chësta manifestazion ulëssen acumpanië i mutons y la mutans (dla terza elementera inant nchin tla terza mesana) sun si streda de vita, i purtan plu daujin a Gejù. N rujenerà dla bibia, fajerà juesc, workshops, muvimënt y n puderà se giamië ora. Uniun:a ie bënunì:ida y azetà:eda coche l:a ie. N se anconta te calonia de Sëlva, tla sala dla Schiera Junila, n sada ai 8 de juni dala 16:00 inant.
09.06.
Sacro Cuer de Gejù: mëssa cianteda y pruzescion
La Santa Mëssa cianteda sarà tla dlieja de Sëlva dala 09:30 y daldò saràl la pruzescion tradiziunela cun la trohtes.
09.06.
Sacro Cuer de Gejù
La Santa Mëssa n ucajion dl Sacro Cuer de Gejù sarà n dumënia ai 9 de juni dala 09:00 tla dlieja de Urtijëi. Da dedò saràl na marcia dla cumpanìa di Scizeri, che meterà ju nce na gherlanda dan la capela di morc. Da sëira uniràl sambën mpià su vel’ fuech, coche da tradizion.
Dotours
Dutor Gherdëina
L dutor de servisc da n sada ai 01.06. dala 08:00 daduman nchin la 08:00 daduman de n lunesc ai 03.06. ie l dutor Simon Kostner de Sëlva, tel. 347 2297492.
Doturs Val Badia
Tla fin dl’edema dl 1. y di 2 de jügn él en sorvisc tla Val Badia le dotur Giovanni Crivellaro, tel. 348 0014266.
Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 31.05. nchin n vënderdi ai 07.06. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres al 31 de ma dales 19:00 al vëndres ai 7 de jügn ales 19:00, é chëra da La Ila, tel. 0471 847152.
Avisc
Atualmenter
L Istitut Cultural Ladin de Fascia chier personal
L Museo Ladin de Fascia tol su personèl, tras na Coprativa Sozièla, per l Servije de soravèrda de la sezions sul teritorie (dal 1 de messèl ai 10 de setember). Per maora informazions se prea de chiamèr ite chest numer: 0462. 760182 (Mara e/o Daniela) o manèr na mail a: museo@istladin.net.
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP – Männerinitiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Bonamans per la enrescida scientifica
L Servije Sozio-assistenzièl del CGF e la Crousc Checena tol su bonamans per la enrescida scientifica de la malaties rères. Se deida coscita l Departiment de Biologia Cellulare, Computazionale e Integrata (CIBIO) de l’Università de Trent per troèr fora neva terapies per salvèr la vita de chi che à na malatia rèra. La bonamans pel vegnir metudes sul cont de la Crousc Checena de Fascia e Fiem a la FPB Cassa.
02.06.
Lia di Filatelisć – ancuntedes
La Lia di Filatelisć, Numismatics y Vedla Chertes de Gherdëina se anconta uni prim lunesc dl mëns dala 20:00 tl Bar 2000 a S. Cristina, per s’la ciaculé y fé vel’ barat. La proscima ancunteda sarà ai 2 de juni.
05.06.
Scola
View the embedded image gallery online at:
https://www.lausc.it/manifestazions-y-evenc/27244-manifestazions-atuales#sigProIde92bf84d88
https://www.lausc.it/manifestazions-y-evenc/27244-manifestazions-atuales#sigProIde92bf84d88
La lia La Vëta fej al savëi che la iscrizions per l ann che vën sarà daviertes dai 5 de juni dala 07:00 inant - mé tres e-mail, scrijan a lialaveta@gmail.com. La Scola de Criatività pieta nce l’ann che vën lerch per 27 sculeies y sculees dala cuarta elementera inant nchin tla terza mesana. La ancuntedes ie n iede al’ena, de lunesc o mierculdi (aldò dl’età) y dura 90 menuc. Per nfurmazions plu avisa pòssen cherdé su l 339 4912492.
Chino
Atualmenter
Al chino de Tieser
Doman, sabeda al prum e domenia ai 2 de jugn da les 17:30 l é »IF Gli amici immaginari«, sabeda da les 21:15 e domenia da les 20:30 l é »Il Vangelo secondo Maria«. Program su www.cinema tesero.com
Cursc
07.06.
Metodes y rezetes por conservé verzöres frësches
Co pón pa conservé la verzöra? Ci sorts de conserves vára pa da fá? Tan dî tëgn pa na conserva? Martina Maria Irsara Stolzlechner se fajará odëi tres val’ rezeta sciöche an pó mëte ia y conservé la verzöra che an á te ciasa. An s’incunta en vëndres ai 7 de jügn dales 15:30 ales 19:30 tl Saj.un a La Ila. Informaziuns tres Whatsapp pro Alexis al numer 340/8279116.
Mujiga
31.05.
Cunzert »Salve Regina«
N bel cunzert saràl da audì ncuei vënderdi ai 31 de mei dala 20:00 inant tla dlieja de San Durich a Urtijëi, ulache l sarà da audì de plu pec de Mozart, Verdi, Tosti y Mendelssohn. La ntreda ie a dunfierta liedia.
31.05.
Conzert cun »Doggi«
Le musizist Markus Dorfmann, conesciü sciöche »Doggi«, tëgn n conzert incö al 31 de ma dales 20:00, tla Ciasa J. B. Runcher a Badia. Al portará dant les cianties plü conesciüdes de sü ultims 20 agn de ativité, da »Franz vom Grödnertol« a »Jesolo« fina a »Olm loggor bleibm«. Al ves aspeta na sëra de bona löna y de aurela cörta por pici y gragn.
05. y 10.06.
Conzerc de conclujiun dla Scora de Musiga Val Badia
La Scora de Musiga Val Badia inviëia bel ai conzerc de conclujiun. Le pröm é en mercui ai 5 de jügn dales 18:00, tla Ciasa J. B. Runcher a Badia. Le lönesc ai 10 de jügn dales 18:00 sarál spo te dlijia d’Al Plan n conzert cun tesć meditatifs danterite.
Mostres y Ert
Atualmënter
Giaurida Bienela Gherdëina
La Lia Zënza Sëida nviëia de cuer ala giaurida dla nona edizion dla Bienela Gherdëina, dai 31 de mei nchin ai 1. de juni: n vënderdi unirà la Bienela naugureda tl Ciastel Gherdëina dala 17:00. N sada ai 1. de juni puderàn ji pea dala 10:00 inant pra vijites menedes tres la mostres a Puntives, dala 14:00 vëniel menà danter l’opres d’ert tl luech.
Atualmënter
Mostra »HEIMat«
L Café Surëdl nvieia de cuer a unì a ti cialé ala mostra HEIMat–na mostra de fotografies de chëi y chëles che sta tla Locia. La mostra sarà da udëi nchin ai 14 de juni.
Atualmënter
Mostra de media audiovisuel »Black Box«
Tl self dla mostres dl Circolo a Urtijëi iel metù ora na mostra de media audiovisuei »Black Box«, da udëi nchin ai 7 de juni, merdi -vënderdi, 17:00 – 20:00; sada y dumënia, 10:00 – 12:00 y 17:00 – 20:00.
Atualmënter
Ëiles
Tl Café/Atelier Pinta Pichl a Burnech, tla streda Oberragen 3, ie metuda ora na mostra de scultures, dessënies y pitures de Guido Senoner Tinderla, che resterà davierta nchin ai 6 de juni, dal lunesc nchin al vënderdi, dala 08:00 nchin la 20:00 y de sada dala 08:00 nchin la 18:00.
Atualmenter
Matthias Sieff a la Trienala de Bad Ragaz
L cognosciù artist da Ciampedel Matthias Sieff tol pèrt con sia gran operes a »Bad RagARTz« la maor esposizion de scultures a l’averta d’Europa, te chesta sia IX edizion dal titol »Presente«. Tel Giessenpark de la zitadina termala svizera l é operes de 88 artisć. Les resta fora fin a la fin de otober.
Atualmënter
Mostra: »Zement tl ciorvel y d’atres stories«
Mostra de Fabian Feichter d’Al Plan, en colaboraziun cun Youlee Ku, tla StadtGalerie da Porsenú (Große Lauben nr. 5). Ara é da odëi cina ai 8 de jügn, dal mertesc al vëndres dales 16:00 ales 19:00, la sabeda dales 10:00 ales 13:00.
Atualmënter
Anvidalfarei y Sprotte tl Museum Ladin
Tl Museum Ladin Ciastel de Tor él da odëi la istalaziun »TOR« de Lois Anvidalfarei, sciöche ince la mostra »Siegward Sprotte. Nord süd, la geografia dl’ert«. La mostra sará da odëi cina ai 30 de setëmber.
Atualmënter
Mostra de Jutta Valentini
Tl Istitut Ladin a San Martin él da odëi cina ai 2 de jügn la mostra de Jutta Valentini, vigni de dales 10:00 ales 12:00 y dales 15:00 ales 18:00.
07.06.
Mostra de retrac de Franz Dantone Pascalin
En vender ai 7 de jugn da les 16:00 te sala grana del Istitut Cultural Ladin a Sèn Jan vegn endrezà n debatit dintornvia la fegura del fotograf Franz Dantone Pascalin e da les 18:30 vegn inaugurà la mostra de si retrac en colaborazion con la Fondazion Dolomites Unesco.
Referac
03.06.
Berstot
View the embedded image gallery online at:
https://www.lausc.it/manifestazions-y-evenc/27244-manifestazions-atuales#sigProIde92bf84d88
https://www.lausc.it/manifestazions-y-evenc/27244-manifestazions-atuales#sigProIde92bf84d88
La lia Gaia nvieia a chësc workshop per genitores cun la referënta Linda Faconti (psicologa y cunsulënta de prim aiut emoziunel) y Heinz Senoner (cunsulënt per families. La scumënciadiva à l fin de renfurzé genitores te si vester genitores. Chësta ultima de trëi ancuntedes, sarà ai 3 de juni tl self »Matada« tla Cësa di Cungresc a Urtijëi, n con dl argumënt »Strité y se avëi gën«. Iscrizions sun www.pro-gaia.net.
31.05.
Lites europees 2024 – se nfurmé, pensé do, lité
La Nëus Jëuni Gherdëina mët a jì na sëira de nfurmazion sun la lites europees cun l referënt Noah Runggaldier, n vënderdi ai 31 de mei dala 20:30 tl local di jëuni »Saut« a Urtijëi.
Teater
Atualmënter
Döt le bun Sälly y Merendina
N teater por döta la familia zelebrëia i 15 agn deboriada dles clown Sälly y Merendina, che s’la conforta dër da fá na bela festa. Chëstes é les dates dles ultimes rapresentaziuns: ai 02.06. dales 17:00, tl salf dles manifestaziuns a Al Plan; ai 07.06. dales 17:00, tl salf dles manifestaziuns a La Val. L’entrada é debann.
31.05.
Spetacol Centro Danza Tieser
En vender ai 31 de mé da les 20:30 tel teater de Tieser sarà spetacol/saggio de fin del an del »Centro Danza Tesero 2000«.
31.05.
Teater »Morvëies«
Jobleres dla Val Badia presentëia le teater »Morvëies«, scrit da Nadia Rungger cun la regia de Simon Kostner. Sön paladina él da odëi Marta Cristofolini, Julie Mühlmann, Susy Mutschlechner, Milena Obwegs, Maria Margareth Pedevilla, Silvana Pitscheider. Ultima rapresentaziun incö vëndres al 31 de ma dales 20:00, tl Stadttheater da Bornech. Entrada debann
01.06.
Comedia te Navalge
La rassegna del Comun de Moena »NavalGei a teater« se sera su col recuperament de la comedia »Colpa dei crauti e dell’amor« de la filodramatica Concordia 74 de Povo en sabeda al prum de jugn da les 20:45 te teater de Navalge.
Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assistënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698 343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. I proscims termins é ai 6 y ai 20 de jügn. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neores« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gherdëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
07.06.
Jita sun Furnes – grupa »Deberieda«
N vënderdi ai 7 de juni se ancuntons dala 14:00 a Urtijëi dan la Cësa de Paussa per na jita sun Furnes. «Deberieda« ie na grupa cun ulenteres per se ancunté danter persones che à problems psichics o de sozialisazion.
Sport
Atualmenter
Soraga League
En vender ai 7 de jugn pea via la IV edizion de la Soraga League, l tornoi de balon a 5 che vegn jià fora sul ciamp sportif de Soraga col sostegn del Bar Imbiss al Parco che va inant fin ai 22 de jugn. Per l calandèr de la partides vardèr la piates social.
Atulmënter
Alenamënc de sauté
Es’a pensà de scumencé a sauté? Ues’a fé pea na mesa maratona, na maratona o d’autra garejedes de sauté y ne ses nia co te anjenië ca? L ASV Gherdëina Runners pieta alenamënc propi de chësc viers: vie a fé pert dla grupa y a te alené uni merdi dala 19:15 sun l ciamp dal sport Mulin da Coi a S. Cristina.
Atualmënter
Iscrizions Dolomites Saslong Half Marathon
La mesa maratona ntëur ala Grupa de Saslonch ie unida a si sesta edizion: l vën pià via sun Pana dala 09:00, ulache l sarà pona nce l travert. La iscrizions ie daviertes y vën tëutes su mé tres l portal ENDU.
08.06
Dolomites Saslong Half Marathon
La mesa maratona ntëur a la Grupa de Saslonch ruva a si sesta edizion: l vën pià via da Mont de Pana dala 09:00, ulache l sarà pona nce l travert.
08.06
Di dla roda ntëur l Sela
N sada ai 8 de juni saràl inò l Sellaronda Bike Day y l unirà inò śarà per l trafich la stredes sun i jëufs ntëur al Sela per ti lascé la lerch a chëi dala rodes. L vën pià via te Sëlva da Plaza Nives.
Temp Lede
Atualmënter
La Val: ala descurida dl paisc
Na ciacia al tesur particolara portará fora por le paisc da La Val chësc isté. Ara se trata de na spazirada interativa da na staziun al’atra, cun le travert da ciafé la parora de soluziun, chirin les staziuns fora por paisc. Dötes les informaziuns y i materiai da pié ia ciafon tl ofize turistich da La Val.
Uni lunesc
La Coa
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mutons:ans, mamis y tatis y chi che deventerà tosc genitor.
31.05. – 01.06.
Festa de 50 agn dl ASC Mareo
Pro le ciamp dal sport d’Al Plan. Le program mët man incö vëndres al 31.05. dales 16:00 cun le torné de calceto. Dales 20:00 sona spo le grup »The Jam’son« y dales 23:00 DJ Juli. La sabeda al 1.06. él dales 9:30 l’ingres dla Musiga adöm a autorités, diretif y sozi, dales 10:00 sarál spo i salüc ofiziai. Domisdé y da sëra musiga y aurela cörta.
04.06.
La Val: domisdé cun jüc da mësa
La Biblioteca Sas dla Crusc inviëia mitans y mituns a n domisdé de compagnia, por fá deboriada jüc da mësa. An s’incunta en mertesc ai 4 de jügn dales 14:30 ales 16:00, te biblioteca a La Val.
06.06.
Batadù te Ncisles
La grupa KVW de Sëlva nvieia duc si cumëmbri y simpatisanc a n domesdì de batadù, ai 6 de juni dala 13:00 tla Utia de Ncisles. Per se nuté su: Lidia Delazer, 340 5170711.
08.06.
Mile corusc – i ciüfs d’Armentara: Escurjiun botanica
La Ciasa dl Parch Fanes–Senes–Braies y la Uniun Ëres La Val organisëia na escurjiun botanica por descurí la gran varieté y biodiversité di pra d’Armentara, cun Mattia Maldonado, en sabeda ai 8 de jügn dales 9:00 ales 12:00. Info y prenotaziuns anter i 7 de jügn tla Ciasa dl parch al 0474 506120.
