I Studafech volontadives e i Schuhplattler de Ciampedel i à sperà enscin en ultima che vegne fora mingol de soreie per poder meter a jir la belota festa che i aea endrezà per la sègra di Sènc Felip e Giaucum.
L catif temp e la ria situazion del Covid no à lascià fèr trop, aboncont i é stac bogn dut un de ge donèr a la jent n moment n muie sentù de comunanza e de legreza.
Jà via per la setemèna l’é stat taà na stengia bela auta che é stata fornida co na gherlanda de dasces e bandieres, la é dapò stata uzèda sù te mez paìsc coscita che duc posse la veder.
La vea i é passé cèsa per cèsa a ge portèr a duta la families n piat de bogn grostoi.
La domenia dadoman desche da tradizion per dut l paisc à rendenà la schiopetèdes de la paicenes che à envià duc a se descedèr e se verteèr a fèr sègra. Da les nef l’é stat dit Messa Grana e la lauda al Signoredio e ai doi Sènc se à levà con de bela cianties e orazions ence per ladin.
Dò Messa la jent se à fermà sun sagrà olache l’é stat n bel moment de comunanza e benedì l nef meso di studafech volontadives.
Podede lejer de più su la sègra de Ciampedel su La Usc stampèda de en vender ai 7 de mé del 2021. (Annelise Vian)
La sègra à viventà endodanef l spirit de comunanza
L’é stat benedì n nef meso di Studafech de Ciampedel, rengrazià cater componenc di Schuhplattler e La Mizacoles à dat apuntament per la prejentazion del nef liber.
Galaria retrac
- N retrat de grop tedant gejia di Sènc Felip e Giacum (foto de Valentina Redolfi)
- L'ombolt de Ciampedel Ivo Bernard coi Studafech (foto de Valentina Redolfi)
- La premiazion di Schuhplattler (foto de Valentina Redolfi)
- Don Mario Bravin benedesc l nef meso (foto de Valentina Redolfi)
View the embedded image gallery online at:
https://www.lausc.it/spezial/15633-la-caricatura-dl-edema#sigProId93ce724a9f
https://www.lausc.it/spezial/15633-la-caricatura-dl-edema#sigProId93ce724a9f