La Usc di Ladins

N muie creit che l’atività de la Crousc Checena de Fascia e Fiem sie demò la part che revarda l socors e le emergenze, ma n é una che é autertant emportanta, l é chela de l’area 2, chela che se cruzia del sozial. L é chela che n’outa i ge dijea sezion feminila, che la é stata vidada per n muion de egn da Betty Bogianchini Weiss. Da dotrei egn la neva referenta l é Annalisa Zorzi che ne à contà di projec e de l’atività che n bel grop de volontadives, soraldut femene, porta dant per sostegnir i besegnes de la jent del post, ma ence foravia. L é n lurier gran, per la maor part sconet, che deida dassen n muie de persone.

Noscia atività più grana che ne consent de tirar su i fondi l é i marcé che fajon fora per i paesc – ne à dit Annalisa Zorzi - n fajon doi gregn a l’an, un d’istà e un d’invern. Del 2022 n averon fat na dejina en dut. L é n laor gran percheche ge vel enjegnar i prodoc. Aon n grop de femene che se cruzia de far le marmelade, de le meter via ti bossoi, de i empachetar, ge meter su le etichete.

De più su La Usc stampèda de vender ai 31 de mèrz.  (Monica Cigolla)