La Usc di Ladins

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le pro­scim termin é ai 7 de novëm­ber. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.

Segres y Festes
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cher­dan su: per Urtijëi l 320 7234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Sport
Atualmënter
Turnoi de tennis: ITF Men Val Gardena
L turnoi che ruva chëst ann a si sesta edizion y à n montde­pesć de 15.000 euro, jirà inant nchin ai 2 de nuvëmber.
01.11.
HC Gherdëina vs. HDD SiJ Jesenice
Tl stadio Pranives de Sëlva saràl n ai 1. de nuvëmber dala 19:30 la partida dl campiunat AHL (Alps Hockey League) danter l HC Gherdëina y l HDD SiJ Jesenice.
02.11.
IHL Divijion I: HC Gherdëina vs. Sportivi Ghiaccio Cadore
L HC Gherdëina nvieia ala partida contra l Sportivi Ghiac­cio Cadore, ai 2 de uto­ber dala 20:30 tl stadio Pra­nives te Sëlva.
03.11.
FC Gherdëina vs. FC Gitschberg Jochtal
La partida de juech al palé de campiunat de Prumozion sarà ai 3 de nuvëmber dala 14:30 tl zënter sportif Mulin da Coi. Ntreda: 7,00 €.

Teater
01.11.
Paolo Crepet a Navalge
En vender al prum de novem­ber da les 21:00 te teater de Navalge l é la conferenza-spetacol de Paolo Crepet, psi­chiater, soziologh e educa­tor, che rejona de sie ultim liber ‘Mordere il cielo’. Se pel ite debant.

Temp Lede
Atualmënter
Cërtl de letura cun Nicoletta
Tla biblioteca de San Durich a Urtijëi vëniel liet deberieda l liber de Francesca Melandri, »Piedi freddi«, uni lunesc dala 18:00. L cërtl ie debant y duc possa fé pea.
06.11.
Pubertà: na ndesfida
N mierculdi ai 6 de nuvëmber saràl, dala ot da sëira, tla bi­blioteca Tresl Gruber a Santa Cristina n referat cun Heike Torggler che spiegherà la ndesfides che l ie tra pu­bertà, de coche l corp y senti­mënc y l’identità se muda. L unirà spiega de coche i genitores possa ti judé ai mutons.
07.11.
Istruzion sessuela di mutons
Ai 7 de nuvëmber saràl dala 19:30 ala biblioteca Tresl Gruber a Santa Cristina n referat cun la pedagoga de ses Christa Plank. La jirà de istruzion sessuela de mutons y co ti spieghé chësta tematica.

Televijion
05.11.
Deboriada
Dales 20:50 ca.
06.11.
Tassìe Cardenzes che se sorapeèa
Dales 20:50 ca. Te l ozident una de la rivoluzions che più à scorlà l’esser de l’om l é stat l sparpagnament de l cristiane­sim. Fajon n viac te 3 lesc che conta i mudamenc portè dant da chesta neva religion, e che, sotousc, ne conta ence de la cardenzes arcaiches de nes giaves. Program de Matilde Gazzini, a cura de Anna Mazzel.
07.11.
Scenar ert y cultura: Alfred Erardi – Elisa Di Lorenzo
Dales 20:50 ca. Recunëscer l bel, jan a spaz tres la cuntreda y ferman l tëmp cun n aparat da fé fotos. Alfred Erardi ie n fotograf de natura cun na sensibltà particulera. Dlongia la pultredes, che l fej n gran pert tl parch naturel de Fanes-Sennes-Braies, à l fotograf y maester n pension nce abù l’ucajion de jì ora per l mond a pultré ju fenomens naturei de marueia, coche l’aurora borealis o la scureda dl surëdl. Elisa Di Lorenzo vën perdrët dal’Emilia, ma si vester da­vierta l’à purteda a giaurì l prim studio de tatuajes y pier­cings tla Val Badia. Si bona man y si savëi da cunsië i tlienc ie mé una dla truep cumpe­tënzes che na tatua­dëura muessa avëi te n mestier arte­janel che vën for plu docà. Program y cunzet: Ivan Se­noner, tai: Hans Peter Karbon, a cura de: Leo Senoner.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
06.11.
Tia idees per i 50 egn del Istitut Ladin de Fascia
Dales 13:45. En previjion de la Gran Radunanza del Istitut ai 22 de november duta la jent vegn envièda a manèr ite idees e conscidrazions sun coche ge saessa bel che chest cedean vegne recordà e festejà. Na scomenzadiva neva che pea via chisc dis col tor su proponetes tres n formulèr per endrezèr adum i 50 egn del Istitut. En rejonon con Sabrina Rasom diretora de l’Istitut Cultural Ladin de Fascia, conduzion Anna Mazzel.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
05.11.
Le cuartet leterer
Dales 19:05. Trata dles poesies de Monika Grones da Fodom. Conduziun de Rut Bernardi y cun Roland Verra, Ingrid Runggaldier y Mateo Taibon.
06.11.
N auter turism: mangé san
Dales 19:05. Un di aspec em­portanc tel cheder del turism l’é ence la gastronomia, l mangner san doventa doedò più emportant olache la genui­nità pel vegnir valoriseda adum al gran lurier di ba­chegn. L’originalitè e la cualitè é chel che caraterisèa la speisa de Andrea Irsara che à na sia vijion e filosofia per chel che verda l turism. Program de Anna Mazzel e Elide Mussner.
07.11.
Ci stress!
Dales 19:05. L’Organisaziun mondiala por la Sanité, defi­nësc le stress sciöche maratia o mal dl secul y avisa de stress cunta chësc program, en oca­jiun dl de mondial dla cosciën­za por le stress. N program de Sara Frenner.
Copa Dal Cafe
01.11.
Nfurmazions de economía y finanza
Dales 13:45. Program de Helmut Vinatzer.
08.11.
Rejonon de ecoansia
Dales 13:45. Program de Doretta Zanoner.
09.11.
Le significat cultural dles liëndes ladines (nr. 8)
Dales 13:45. Program de Susy Rottonara.
10.11.
Petlé
Dales 12:45. Program de Konrad Senoner.

Dotours
Dutor Gherdëina
L dutor de servisc da Unissant, n vënderdi ai 1. de nuvëmber ie l dutor Valentin Tröbinger de Sëlva, tel. 0471/773073 o l 335 6844944. Da n sada ai 02.11. dala 08:00 daduman nchin la 08:00 daduman de n lunesc ai 04.11. ie pona l dutor Michael Trocker de Urtijëi, streda Promeneda, tel. 388 2580002.
Doturs Val Badia
Sura la festa de Gnissant, al 31 d’otober y 1. de novëmber, él en sorvisc ti cin’ comuns dla Val Badia le dotur Guido Caretta, Calfosch, tel. 0471 836870 o 337 616080. Tla fin dl’edema di 2 y 3 de no­vëm­ber él en sorvisc la do­turia Margarete Mahlknecht, La Val, tel. 349 0667034 o 0474 523018.

Apoteches
Apoteca Gherdëina
L’apoteca de servisc ora dl orar urdiner de giaurida da n sada ai 02.11. nchin n vën­derdi ai 08.11. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres al 1. de novëmber dales 19:00 al vëndres ai 8 de novëmber ales 19:00, é chëra d’Al Plan, tel. 0474 501240.

Religion
31.10.
Unissant - tla lum di Sanc
L Cunsëi de Pluania de Urtijëi nvieia a chësta sëira de religion cun i referënc Verena Nieder­egger y Sn. Vijo Pitscheider, ncuei, juebia ai 31 de utober dala 18:00 tla dlieja de Urtijëi.

Chino
Atualmenter
Al chino de Tieser
Insnet, jebia ai 31 de otober per la rassegna »Il piacere del cinema« da les 21:15 l é »Un oggi alla volta«, vender al prum de november e sabeda ai 2 da les 21:15 l é »Longlegs«, do­menia ai 3 da les 17:30 l é »Lupo 200%« e da les 20:30 l é »Venom: the last dance«, jebia ai 7 da les 21:15 l é »The apprendice-Alle origini di Trump«. Program su www.cinematesero.com.
Atualmënter
Literakino
Tla biblioteca de San Durich vëniel inò metù a jì la sëires de films »Literakino«, for de vënderdi, ai 8 y 15 de nuvëm­ber, for dala 20:00. L program plu avisa di films che unirà mustrei ie da udëi te bibliotech, ulache l ie nce julantins da pudëi se tò pea.

Avisc
Atualmënter
»Diggy-Treff« ancuntedes digiteles
Ëis’a dumandes n con’ de vosc computer, de programs o per la nstalazion de na soft­ware? Tulëde pea vosc fonin, tablet o laptop y unide te biblio­­teca Oswald von Wolken­stein te Sëlva. N sada ai 9 de nuvëmber dala 09:00–12:00, sarà l espert Werner Messner iló a ve judé. L servisc ie debant y n ne à nia drë’ de se lascé nuté su. Metù a jì dal KVW Sëlva.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
I oraries de Pedies
Se pel veder Pedies sul canal 10 de la televijion Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal l é semper a la leta orian co la friza en su i sotcanai HBBTV, sot la ousc TML. Duc i video e filmac dac fora dal Comun General é ence sul canal Tv Ladina de Youtube.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cu­mëmbri dla Lia Gaia.
03.11.
Do l vièl del saer
L Istitut Cultural Ladin Ma­jon di Fascegn porta dant l apuntament con »Do l vièl del saer«, en domenia ai 3 de november da les 14:00 e da les 16:00 te la Cort del Batesta de Moena, tedò Piaz del Ramon. Chest an la ge dedica chest apuntament a Catina Pezzè Batesta e Bepi Felicetti Zompin, doi persones simbol del event de la Gran Vera te Fascia.
08.11.
San Martin: udiënza dla defensuria popolara
La defensuria popolara o süa sostituta tëgn udiënza a San Martin de Tor, tl salf di stöda­füch, en vëndres ai 8 de no­vëmber dales 14:00 ales 17:00. Por prenotaziuns cherdé sö le 0471 946020.
11.11.
Sentada generala cun lîtes y referat
En lönesc ai 11 de novëmber dales 18:30 él te biblioteca da La Ila la sentada generala dl Consëi de formaziun Badia, cun lîtes dl consëi nü y presen­taziun dl program 2025. Dedô sarál n referat cun discusciun cun Luca Complojer, mëmber dl consëi provinzial di iagri, sön la presënza de lu, laurs y lostrel te nostes contrades.
13.11.
Apuntamenc de la biblioteca de Cianacei
La biblioteca de Cianacei met endò a jir la rassegna de scon­trèdes per cognoscer da vejin persones e fac de noscia tera. L secont apuntament l é en mercol ai 13 de november da les 18:00 te sala de Consei de Cianacei con »50 egn de storia de Crousc Biencia« con la presidenta Linda Debertol e vèlch fondador. Vegnarà moscià l documentarie metù ensema per l cedean con mari­ndel de la Coprativa Oltre.

Mostres y Ert
Atualmënter
Mostra »De blòc y de ntorc«
Tl Café Surëdl a Urtijëi vëniel metù ora na mostra dal titul »De blòc y de ntorc«, cun che­dri de Erich Mussner, Livio Comploi, Flavio Prinoth y Georg Demetz. La mostra sarà da udëi ntan i orares de giaurida, dal lunesc nchin al vënderdi, 09:00–19:00.
Atualmënter
Mostra Zone d’Ombra
L Circolo–Lia Mostra d’Ert nvieia a unì a ti cialé ala mo­stra de Johanna Fink y Miche­le Azzalini. La giaurida sarà ncuei, ai 25 de utober dala 20:00 tl self dla mostres dla Lia Mostra d’Ert. La mostra resterà da udëi nchin ai 17 de nuvëmber: merdi–dumënia, 16:00-19:00 y de sada y du­mënia nce danmesdi, 10:00–12:00.
Atualmënter
»The Rise of the Fleeting Moment«
Tl Tublà da Nives te Sëlva iel metù ora na mostra de fotografies de Giancarlo Lamonaca, che resta davierta nchin ai 10 de nuvëmber uni di ora dl lunesc dala 15.00 ala 18.00.
Atualmënter
Mostra: »Countdown to mass extinction?«
Le Museum Ladin inviëia da jí a ti ciaré ala mostra speziala »Countdown to mass extin­ction?«, che é da odëi fina ai 3 de novëmber tl Museum Ciastel de Tor. La mostra se dá jö cun la plü gran estinziun de massa tla storia dla tera, en relaziun cun la crisa clima­tica da sëgn.

Cursc
Atualmënter
Café dla rujenedes
Tla bibliotech S. Durich a Urtijëi vëniel tenì nchin ai 20 de nuvëmber l café dla ruje­nedes: de merdi dala 09.30 per franzëus cun Louise y dala 15:00 per spanuel cun Chiara, de mierculdi dala 09:30 per nglëisc cun Nicky. N possa unì zënza se nuté su danora. Na cunescënza de basa ie bënududa.
Atualmënter
Balé per ëiles sëura i 50
L KVW de Urtijëi mët a jì uni lunesc dala 16:30 nchin la 17:30 tla sala de Calonia a Urtijëi ancuntedes de bal y muvimënt per ëiles sëura i 50 ani. La ancuntedes jirà inant nchin ai 02.12.
09.11.
La Ila: curs de ultim aiüt
Les infermieres dl Raiun Sa­nitar dla Val Badia mët a jí n curs, olache an impara da socodí y ti sté dlungia tla dërta manira a porsones che é tl morí. Le curs vëgn tigní en sabeda ai 9 de novëmber dales 8:30 ales 12:30, tla Ciasa de Cultura a La Ila, salf dl Sor­visc ai Jogn. Curs debann y por ladin. Al é da s’anunzié anter i 8.11. al 0474 586155, dales 8:00 ales 12:00.