La Usc di Ladins

Coche nes à spiegà i Judacrëp à i parënc cherdà aiut n dumënia sëira ntëur n cher' passà la 11, davia che l ël da Sacun ne fova nia ruvà a cësa do che l fova jit a spaz da mont su. Nsci ie i sucuridëures bel riesc muec, damandan nce l aiut di destudafuech y di ulenteres cun l cian. N à cris ju l raion da Sacun, danter l luech y la dlieja da Sacun nchin mesa la cater daduman, zënza resultat.

Nsci àn aspità che l unissa linëus y l di do daduman, n lunesc ai 4 de nuvëmber, àn riesc inò scumencià a l crì, jan nce su plu alauta. Tosc do àn abinà l corp de David Demetz tla Gran Roa, nia dalonc dal Balest. Purtruep ne fòvel plu nia da nfé. L ël ie bonamënter tumà ju bëndebò de tòch y se à fat scialdi mel.

David Demetz à vivù na vita sa Sacun, l savova nëut te chi raions, ulache l jiva nce suvënz a spaz. Si mort lascia n gran uet te chëi de familia.

USC