La Usc di Ladins

Ivan poste te presenté en cört ai leturs y ales leturies?
Iö sun l’Ivan Anvidalfarei da La Ila, i á 18 agn y i sun studënt ales Scores Altes a La Ila tla seziun ITE.

Chësc é por te l’ann dl ejam de madoranza. Sëgn él ciamó otober, mo él tl’aria bele n pü’ de agitaziun por la fin dl ann y l’ejam?
Ti pröms dis de scora êl bëgn en pü’ de agitaziun, canche i professurs s’l’á fata dër impor-tanta. I á bëgn porvé da porté te classa en pü’ de calma, ajache iö á imparé che cun l’agitaziun fejon ma cajins. Damí él da s’la tó cun calma y ne avëi nia plü n tant prescia. Tlafinada la vëighi insciö: ci che an imparará roma-gnará y l’ater se desmentiarán, ciodiche an ne l’adora nia.

Dan da cin agn aste tut la dezijiun da fá chësta scora. Sëgn che t’es daimpró al travert, ciaran zoruch, co vëighest pa tüa dezijiun? Este contënt?
Pordërt essi tres orü fá val’ plü dlungia ala manualité o ince devers dl’informatica, mo tl caje chël pói tres ciamó fá. Chësta dezijiun ái tut por ciafé na bona basa, che me dauriss tröpes portes tl monn dl laur. Ciaran ales posci-bilités che an á chiló da nos o en general tal Südtirol y tl setur turistich, vá na basa d’economia tres bun. Spo dantadöt me por-metô chësta scora da podëi romagne chiló a ciasa, danter mi compagns y pro les uniuns; porchël diji che i sun contënt dla dezijiun tuta.

De plu tla edizion stampeda de La Usc di Ladins o sun l e-paper a paiament www.lausc.it/e-paper