La Usc di Ladins

No un, ma doi conzerc, chi che Le Lingue Morte à metù dant tel ultim fin de setemana te la senta de La Grenz a Moena, percheche »ence Bob Dylan l fajeva coscì«. L’Armando Rebaudo no l fenesc mai de soscedar marevea e amirazion, con so esser ironich ma ence fon, bon de scriver toc de autentica poesia e de gran anteveder, apede a autres che somea deldut sconclujioné (ma no l é pa vera), e dapò i portar sun paladina con far istrionich e mimica straordenara, e prejentar cianzon e band con batude de spirit feruscole e de spes geniale. Ma no fossa Le Lingue Morte se apede al Armando no fossa l Mario Färber, musizist de gran valuta: dai egn ’80 en ca, chisc doi moenac a la foresta i à scrit n centené de ciantie, en gran part per ladin, e publicà na dejina de album, anter cassete artejanale e cd, l ultim, »Ensema«, registrà del 2019. Do da chel, de toc i n’à scrit amò n bon pec… speton donca che vegne fora prest valch auter prodot.

Podede lejer dut l articol su La Usc stampada de en vender ai 25 de otober.  (Lucia Gross)