La Usc di Ladins

En vëndres ai 4 d’otober s’á indô desfiré a Badia le marcé da San Francësch. Sciöche da tradiziun, é te chësta ocajiun i pelegrins bele piá ia abonora por rové sö dal santuar da La Crusc, olache al é naota gnü zelebré la mëssa. Le de s’á spo prolungé tres na vijita al marcé tl zënter de paisc.

Dandaia ê chësc de n evënt significatif y la partezipaziun al marcé ê grana. Cinamai jënt dales valades vijines rovâ adalerch a pe sura i jus fora. Dantadöt por i paurs, che gnô adalerch cun i tiers, ê chësta l’ocajiun da baraté, cumpré y vëne. Indere: en chësc ann é le marcé tomé fora valgamia mënder. Ince por les stletes condiziuns dl tëmp, á i vijitadus podü constaté che le marcé â cotan manco stonc co zënza.

"Al é na tendënza che i podun osservé bele da n valgügn agn. I marciá che vëgn fac un n iade al ann y che toma te n de ia por l’edema, sciöche chël da San Francësch chësc ann, stënta da mantigní süa forma«, dij i polizisć dl Comun de Badia.

Lí inant tla ediziun nöia da incö, vëndres ai 18 d'otober!