La Usc di Ladins

Cursc
Atualmënter
Café dla rujenedes
Tla bibliotech S. Durich a Urtijëi vëniel tenì nchin ai 20 de nuvëmber l café dla rujenedes: de merdi dala 09.30 per franzëus cun Louise y dala 15:00 per spanuel cun Chiara, de mierculdi dala 09:30 per nglëisc cun Nicky. N possa unì zënza se nuté su danora. Na cunescënza de basa ie bënududa.

Atualmënter
Balé per ëiles sëura i 50
L KVW de Urtijëi mët a jì uni lunesc dala 16:30 nchin la 17:30 tla sala de Calonia a Urtijëi ancuntedes de bal y muvimënt per ëiles sëura i 50 ani. La ancuntedes jirà inant nchin ai 02.12.

09.11.
La Ila: curs de ultim aiüt
Les infermieres dl Raiun Sanitar dla Val Badia mët a jí n curs, olache an impara da socodí y ti sté dlungia tla dërta manira a porsones che é tl morí. Le curs vëgn tigní en sabeda ai 9 de novëmber dales 8:30 ales 12:30, tla Ciasa de Cultura a La Ila, salf dl Sorvisc ai Jogn. Curs debann y por ladin. Al é da s’anunzié anter i 8.11. al 0474 586155, dales 8:00 ales 12:00.

Mostres y Ert
Atualmënter
Mostra »De blòc y de ntorc«
Tl Café Surëdl a Urtijëi vëniel metù ora na mostra dal titul »De blòc y de ntorc«, cun chedri de Erich Mussner, Livio Comploi, Flavio Prinoth y Georg Demetz. La mostra sarà da udëi ntan i orares de giaurida, dal lunesc nchin al vënderdi, 09:00–19:00.

Atualmënter
Mostra Zone d’Ombra
L Circolo–Lia Mostra d’Ert nvieia a unì a ti cialé ala mostra de Johanna Fink y Michele Azzalini. La giaurida sarà ncuei, ai 25 de utober dala 20:00 tl self dla mostres dla Lia Mostra d’Ert. La mostra resterà da udëi nchin ai 17 de nuvëmber: merdi–dumënia, 16:00-19:00 y de sada y dumënia nce danmesdi, 10:00–12:00.

Atualmënter
“The Rise of the Fleeting Moment”
Tl Tublà da Nives te Sëlva iel metù ora na mostra de fotografies de Giancarlo Lamonaca, che resta davierta nchin ai 10 de nuvëmber uni di ora dl lunesc dala 15.00 ala 18.00.

Atualmënter
Mostra: »Countdown to mass extinction?«
Le Museum Ladin inviëia da jí a ti ciaré ala mostra speziala »Countdown to mass extinction?«, che é da odëi fina ai 3 de novëmber tl Museum Ciastel de Tor. La mostra se dá jö cun la plü gran estinziun de massa tla storia dla tera, en relaziun cun la crisa climatica da sëgn.

26.10.
Mostra di tiers frisc »Pustertaler«
En sabeda ai 26 d’otober vëgnel metü a jí tla hala dl marcé a San Laurënz na mostra di tiers firsc »Pustertaler«, che vëgn a s’al dé vigni 10 agn. La mostra vëgn daurida dales 9:20; dales 9:30 mët man la valutaziun di tiers, dales 13:30 premiaziun; dales 15:00 lotaria, dales 16:00 lizita de tiers frisc.

Musiga
26.10.
Rassegna »Ciantèr sa mont«
L Cor Valfassa endreza la 19^ edizion de la rassegna »Ciantèr sa mont« en sabeda ai 26 de otober da les 20:30 te gejia de Cianaci con i cores Die Chorerren e l Coro Cima Verde.

Referac
25.10.
Na vita ntiera da sëur
La KVW de Urtijëi/Runcadic mët a jì na sëira cun Norbert Kostner da Pinëi, cuech renumà tla Tailandia, ncuei vënderdi ai 25 de utober dala 20:00, te sala de calonia a Urtijëi. Ntan la sëira nes cunteràl nia mé de si cariera straurdinera tla Tailandia, ma nce de si esperienzes y filosofia de vita y vel’ blòta ntraunida. La moderazion dl sëira sëurantol Oswald Delago

25.10.
Les maraties dl bestiam
Incö vëndres ai 25 d’otober dales 20:00 él tla Ciasa J. B. Runcher a Badia le referat »Reconësce por tëmp les maraties infetives dl bestiam«. Referënt é Alexander Tavella, diretur dl Istitut Zooprofilatich Sperimental dles Venezies a Balsan. Organisaziun: Uniun di Paurs de Badia.

28.10.
Desgropé nüsc conflic
»Desgropé nüsc conflic« é le titul de n referat che vëgn metü a jí en lönesc ai 28 d’otober dales 20:00, tl pice salf de Comun a La Val. Referënt é Simon Kostner, che se dá jö cun la consulënza positiva di conflic, che mët a desposiziun de plü stromënc che vignun pó adoré tles piceres y gran dificoltés dla vita da vigni de, tl raport cun se instësc y cun i atri.

Temp Lede
Atualënter
Cërtl de letura cun Nicoletta
Tla biblioteca de San Durich a Urtijëi vëniel liet deberieda l liber de Francesca Melandri, »Piedi freddi«, uni lunesc dala 18:00. L cërtl ie debant y duc possa fé pea.

25.10.
Teater de libri cun dëssenies
N vënderdi ai 25 de utober dala 3 domesdi saràl tla biblioteca de Urtijëi l »Bilderbuchtheater« per mutans y mutons.

08.11
Stories da 15 menuc per mutons y mutans
Tla biblioteca de Urtijëi unirà ai 8 l scritëur Bejamin Astor y lijerà dant de se liber »Giraffe Shorty« y mo na storia dl »vester autramënter«. Ala fin puderàn pastlné.

Chino
Atualmenter
Al chino de Tieser
Anché, vender al prum de november e sabeda ai 2 da les 21:15 l é »Longlegs«, domenia ai 3 da les 17:30 l é »Lupo 200%« e da les 20:30 l é »Venom: the last dance«, jebia ai 7 da les 21:15 l é »The apprendice-Alle origini di Trump«. Program su www.cinematesero.com.

Atualmënter
Literakino
Tla biblioteca de San Durich vëniel inò metù a jì la sëires de films »Literakino«, for de vënderdi, ai 25 de utober y ai 8 y 15 de nuvëmber, for dala 20:00. L program plu avisa di films che unirà mustrei ie da udëi te bibliotech, ulache l ie nce julantins da pudëi se tò pea.

Sport
28.10.
Radunanza de la Monti Pallidi
En lunesc ai 28 de otober da les 20:00 te la sala Simonin Maza de la scoles de Moena la sociazion sportiva Monti Pallidi endreza sia radunanza ordenèra con la litazions e la premiazion del bando scola sport SIF Lusia 23/24.

27.10.–02.11.
Turnoi de tennis: ITF Men Val Gardena
L turnoi che ruva chëst ann a si sesta edizion y à n montdepesć de 15.000 euro, scumëncia n dumënia ai 27 de utober tl Zënter dal Tennis de Sëlva y jirà inant nchin ai 2 de nuvëmber.

01.11.
HC Gherdëina vs. HDD SiJ Jesenice
Tl stadio Pranives de Sëlva saràl n ai 1. de nuvëmber dala 19:30 la partida dl campiunat AHL (Alps Hockey League) danter l HC Gherdëina y l HDD SiJ Jesenice.

02.11.
IHL Divijion I: HC Gherdëina vs. Sportivi Ghiaccio Cadore
L HC Gherdëina nvieia ala partida contra l Sportivi Ghiaccio Cadore, ai 2 de utober dala 20:30 tl stadio Pranives te Sëlva.

03.11.
FC

• 
•  

View the embedded image gallery online at:
https://www.lausc.it/manifestazions-y-evenc/28151-manifestazions-atuales#sigProId5215dcf3a3

Gherdëina vs. FC Gitschberg Jochtal
La partida de juech al palé de campiunat de Prumozion sarà ai 3 de nuvëmber dala 14:30 tl zënter sportif Mulin da Coi. Ntreda: 7,00 €.

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).

Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le proscim termin é ai 7 de novëmber. Al vëgn dé fora da mangé a dötes les porsones dla Val Badia che á debojëgn.

Atualmënter
Ciamena dal guant a La Ila
La Ciamena dal guant »Neores« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.

Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gherdëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.

Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assistënza.

Religion
31.10.
Unissant - tla lum di Sanc
L Cunsëi de Pluania de Urtijëi nvieia a chësta sëira de religion cun i referënc Verena Niederegger  y Sn. Vijo Pitscheider, n juebia ai 31 de utober dala 18:00 tla dlieja de Urtijëi.

09.11.
Preparaziun al bato
La Uniun dles Ëres Catoliches dl Decanat Val Badia inviëia düc i geniturs che á n pice möt o na picia möta da batié, pers che aspeta, toc y totes dl decanat ala preparaziun dl Bato, la sabeda, ai 9 de novëmber dales 15.00 – 17.00 a San Ciascian – te salf de Calonia. Deboriada orunse aprofondí l’importanza de chësc sacramënt, presenté le ritus y splighé i simboi dl Bato. Prëibel se prenoté pro Lucia al nr 334/3200396.

Teater
01.11.
Paolo Crepet a Navalge
En vender al prum de november da les 21:00 te teater de Navalge l é la conferenza-spetacol de Paolo Crepet, psichiater, soziologh e educator, che rejona de sie ultim liber ‘Mordere il cielo’. Se pel ite debant.

25.10.
Spetacol de teater ‘Gran Casinò’
L Servije sozio-assistenzièl del Comun General de Fascia met dant insnet, vender ai 25 de otober da les 20:30 te teater del Oratorie de Poza, l spetacol de teater dal titol ‘Gran Casinò’ de Fabrizio De Giovanni contra l jech a risech.

Televijion y Radio
Mertesc, 29.10. - 20:50 ca
Tassìe – Reijes che soscedèa mister
La reijes de la pruma popolazions che s’à enciasà su per la Ladinia l è amò n mister. Su per nes monc troon lesc che sot e via ne conta zeche de chisc prumes abitanc, ma i varda ampò de no ne dir dut. Jon a veder chel che saon e chel che resta n mister de noscia reijes te 3 lesc archeologiches. Program de Matilde Gazzini, a cura de Anna Mazzel

Mercui, 30.10. - 20:50 ca
Arpejuns: Museum de Fodom
Program de Giulia Tasser y Hans Peter Karbon, a cura de Alessandro Dapunt

Juebia, 31.10. - 20:50 ca
Euro – trasmisciun d’economia
De Diego Clara y Hartmann Mairhofer, a cura de Leo Senoner

LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00

Mertesc, 29.10. - 13:45
Le “Mischí”
Na massaria da vigní dé, po se dí le vocabolar por chi che laora cun le lingaz. Le linguist Giovanni Mischí nes presënta so dizionar y vocabolar nü. N program de Sara Frenner Mazzel
La trasmiscion “DAI CRËPS DL SELA” ie da audì uni di dala 19:05 ala 19:30 sun la frecuënzes de RAI LADINIA

Sabeda, 26.10. - 19:05
Momënc de vita – intervista a Franca Chizzali
Franca Chizzali é nasciüda a Col de Santa Lizia, tl hotel Posta, che é tl zënter dl comun de Col, olache ala vir y laora ciamó al dedancö. Franca nes cunta de süa familia y dl laur tl ciamp dl turism. Ara se recorda ince dla scora elementara y de sciöche ara passâ le tëmp cun sü compagns. N program de Erika Castlunger

Mercui, 30.10. - 19:05
Jent da zacan: Vinzenz Maria Demetz da Fëur, da Gherdëina te l’Islanda
La musega pel averjer troes scognoscui desche chel che à menà Vinzenz Maria Demetz sun la gran paladines d’ Europa enscin a se enciaser te l’Islanda olache l’à portà “il belcanto” e l’opera lirica metan su ence na scola de musega che à so inom. Program de Anna Mazzel e Anelise Vian

Juebia, 31.10. - 19:05
Na man danman
Le Raiun sozial ti dá ala popolaziun n gran sostëgn por daidé i mituns, i adolescënc y i adulc che é te na situaziun de debojëgn. La responsabla dla strotöra a Picolin, Antonia Castlunger nes lascia ciutié ite tl Raiun Sozial y nes cunta tl monü di sorvisc che vëgn pitá. N program de Sara Frenner
Informaziuns plü menüdes sön i programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota “Mediateca” y les trasmiscions radio sota “Podcast”.

Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.

Dutor y Apoteca
Dutor Gherdëina
L dutor de servisc da n sada ai 26.10. dala 08:00 daduman nchin la 08:00 daduman de n lunesc ai 28.10. ie l dutor Simon Kostner de Sëlva, tel. 347 2297492.

Doturs Val Badia
Tla fin dl’edema di 26 y 27 d’otober él en sorvisc ti cin’ comuns dla Val Badia le dotur Eduard Agreiter, San Martin de Tor, tel. 0474 523315 o 333 1380852.

Apoteca Gherdëina
L’apoteca de servisc ora dl orar urdiner de giaurida da n vënderdi ai 25.10. nchin n vënderdi ai 01.11. ie chëla de Urtijëi, tel. 0471/796125 (orar de giaurida 9.00-12.00/15.00-19.00).

Apoteca Val Badia
L’apoteca en sorvisc fora dl orar ordinar, dal vëndres ai 25 de otober dales 19:00 al vëndres al 1. de novëmber ales 19:00, é chëra da San Martin/Picolin, tel. 0474 523020.

Avisc
13.11.
Apuntamenc de la biblioteca de Cianacei
La biblioteca de Cianacei met endò a jir la rassegna de scontrèdes per cognoscer da vejin persones e fac de noscia tera. L secont apuntament l é en mercol ai 13 de november da les 18:00 te sala de Consei de Cianacei con »50 egn de storia de Crousc Biencia« con la presidenta Linda Debertol e vèlch fondador. Vegnarà moscià l documentarie metù ensema per l cedean con marindel de la Coprativa Oltre.

Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mutons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Faconti. L cost ie de 5€ per cumëmbri dla Lia Gaia.

Atualmënter
»Diggy-Treff«
Ëis’a dumandes n con’ de vosc computer, de programs o per la nstalazion de na software? Tulëde pea vosc fonin, tablet o laptop y unide te biblioteca Oswald von Wolkenstein te Sëlva. N sada ai 26 de utober y ai 9 de nuvëmber dala 09:00–12:00 y de lunesc ai 21 y 28 de utober y ai 11 de nuvëmber dala 18:00–21:00, sarà l espert Werner Messner iló a ve judé. L servisc ie debant y n ne à nia drë’ de se lascé nuté su. Metù a jì dal KVW Sëlva.

27.10.
Festa per i iubilars
L Muvimënt Catolich dl’ëiles nvieia duc i iubilars, che festejea chëst ann i 25, 40, 50, 55, 60 y 65 ani maridei a na Santa Mëssa dala 9:00 tla Dlieja de S. Cristina. Daldò puderàn mo sté mpue deberieda tl self dla biblioteca Tresl Gruber.

08.11.
San Martin: udiënza dla defensuria popolara
La defensuria popolara o süa sostituta tëgn udiënza a San Martin de Tor, tl salf di stödafüch, en vëndres ai 8 de novëmber dales 14:00 ales 17:00. Por prenotaziuns cherdé sö le 0471 946020.

Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauenhelfenfrauenbruneck.it

Atualmënter
Iniziativa di ëi de Puster–MIP
L’ofize dla MIP–Männer-initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize tl Paternsteig nr. 1 a Bornech é davert lönesc y mercui, 14:00 -19:00, le vëndres, 8:00 - 12:00. Contac: 0474 555848, 340 1896431 o info@mip-pustertal.it

03.11.
Do l vièl del saer
L Istitut Cultural Ladin Majon di Fascegn porta dant l apuntament con »Do l vièl del saer«, en domenia ai 3 de november da les 14:00 e da les 16:00 te la Cort del Batesta de Moena, tedò Piaz del Ramon. Chest an la ge dedica chest apuntament a Catina Pezzè Batesta e Bepi Felicetti Zompin, doi persones simbol del event de la Gran Vera te Fascia.

26-27.10.
Festa del Rengraziament
L’Union di Ladins de Fascia endreza la Festa del Rengraziament. En sabeda ai 26 de otober da les 17:00 te Ciasa de la Moniaria referat col professor Cesare Bernard, l architet Marco Giovanazzi e l procurador Giuseppe Detomas, a la fin picol aperitif. En domenia ai 27 da les 10:00 defilèda dal Comun General, da les 10:30 messa te la Pieif, picol conzert de la Musega da Vich, salva di Scizeres, benediscion, ujes averc de la Moniaria e na viva per endrez de la volontadives da Vich.

Atualmenter
I oraries de Pedies
Se pel veder Pedies sul canal 10 de la televijion Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal l é semper a la leta orian co la friza en su i sotcanai HBBTV, sot la ousc TML. Duc i video e filmac dac fora dal Comun General é ence sul canal Tv Ladina de Youtube.

28.10.
Scontrèda su la dependenza dal jech
L Servije sozio-assistenzièl del Comun General de Fascia endreza en lunesc ai 28 de otober da les 20:30 te sala grana del CGF na scontrèda su la dependenza dal jech: analises, servijes e prospetives de prevenzion. Tol pèrt la dotores Martina Stefani, refenta del Ser.D, Giulia Tomasi de la Sociazion AMA, Margherita Oss Emer e Martina Volcan.