La Usc di Ladins

Tl'era digitela de ncueicundì ie l cunzet de nteligënza artifiziela deplù che mé na parola de moda, la ie realtà. La nteligënza artifiziela se à urmei nfiltrà te tan che duc i ciamps dla vita da uni di. Dai »assistënc dla rujeneda« y generadëures de ilustrazions nchin ai sistems plu cumplesc che vën adurvei tl ciamp dla medejina o dl'economia. Tan debota coche la se svilupea ne sons nëus persones nia bones de ti sté do y suvenz nes mancia l tëmp per mparé co se astilé, che l ie bele inò zeche de nuef sul marcià. Sambën che l'euforia per i sistems dla nteligënza artifiziela ie granda, ma la va nce de capì ciunes che ie la problematiches y la ndesfides che n possa ancunté. L Cunsëi de Furmazion de S. Cristina, deberieda cun la Nëus Jëuni Gherdëina, à n cont de chësc argumënt fat unì n juebia sëira ai 17 de utober, tla sala de chemun de S. Cristina, Martin Dobes. L referënt de Minca, che à laurà coche cunsulënt de tecnologia pra l'azienda Microsoft, à spieghà cieche messessan savëi n con' dla "NA generativa" (NA stà per nteligënza artifiziela, ndr.).

Julia Lardschneider

Dut l articul pudëis liejer tl'edizion atuela de La Usc di Ladins.