No se fajarà degun zenter wellness a Reba. Davò l avei anunzié n camapagna eletorala, l’aministrazion Nagler l’a metù da na pert l progét volù da la passada aministrazion Grones e la ponta a realizé n zenter polifunzional. Va coscita sun sofita n progét che ava trop fat descore e che a bu fin dal scomenciament n iter stentous, con smendramenc e continue variazion a gauja dei auc cosć de la strutura che l eva sté pensé. Aprové ntel 2016 dal Comitat Paritetich per la gestion del Fond Comuns de Confin, che ava da finanzié l laour con 6 milioni de euro, la progetazion per la strutura voluda dassën da l’ex aministrazion Grones l’ava epruma mossù ester dada su a l’Union Montana Feltrina, perciéche l Comun no l ava i tecnizi da podei ie sté davò. Ntel 2018 l Comun l ava ence giourì ai privac per vedei se l eva valgugn entenzionei a daidé prò nte la costruzion e gestion.
De plu tla edizion stampeda de La Usc di Ladins o sun l e-paper a paiament www.lausc.it/e-paper
Va sun sofita l progét del wellness a Reba
Data
25 de otober 2024
Grandeza scritura
Social
L’aministrazion Nagler ponta a fè n zenter polifunzional con ciámp da tennis e n scito per mëte a jì manifestazion
