La Usc di Ladins

Ogne dì te la Tèlia vegn moscià diesc stories desferentes ma con una soula notizia, e l é la burta neva de la mort de na persona sun strèda. I azidenc sun strèda i é cresciui dal 2020 al 2021 de beleche l 30% e l é la pruma cauja de mort di joegn, te la Tèlia n é 3000 vigni an e pianjer do serf a pech.

L chèder portà dant en jebia ai 24 de otober te Sorastanza de la Scola Ladina de Fascia, con dac e ence con spot dassen cruves, l fèsc aric. 

Ma co fèr acioche dut chest no reste demò paroles, ma l se concretisee te intervenc per limitèr chest gran dan, con cost uman e ence economich spropojità?

Chest l é stat l argoment de la scontrèda che Massimo Girardi à volù meter a jir enstadì te Fascia, su la pedies de chela che l aea jà endrezà chest'aisciuda fora Ciavaleis, per rejonèr, portèr dant testimonianzes e esperienzes e chierir soluzions ensema con aministradores e operatores de publica segureza e de protezion zivila de la val.

De più su La Usc stampèda de en jebia ai 31 de otober.  (Lucia Gross)