Gio son da Poza, é 37 egn e da 13 laore desche educatora per i bec picoi. Me à semper piajù l’idea de aer n servije per i fantolins ence te Fascia e é troà n cors spezifich per la pruma infanzia a Bologna, na interfacoltà anter Scienze de la Formazion e de l’Educazion. É fat fadia a jir te na zità grana e dalonc, ma é tegnù dur. I professores i era sorii e competenc, i à creà i fondamenc de le coe te l’Emilia Romagna, olache i é n muie inant sun chest. Me à sapù proprio bel e formatif, é podù far tirocini tel Veneto, te l’Emilia Romagna e tel Trentin e é vedù ence le desvalivanze, ajache l é servijes provinziai.
Aste tacà a lurar sobito te chest setor?
Ei, me é laureà del 2009 e de oril del 2010 i à avert la coa di fantolins forin Juan e é scomenzà a lurar lo desche educatora. Aane scomenzà con 4 bec e te trei egn sion rué a 50. Doi egn do i n à avert n’autra a Ciastel e chest an amò una a Pancià, ades forin Fiem i à trei ‘nidi’. Do 10 egn son jita a lurar te la coa de Giada Rizzi chiò a Poza, mingol percheche é metù su familia e ence l viac pesaa, ma ence per far na esperienza neva e veder n auter ambient.Deplù te la edizion dl vender, 29 de setember.