La Usc di Ladins

Ai 17 de juni à l joler dl Aiut Alpin Dolomites fat trëi ntervënc, duc ora dla valedes ladines: un a Atzwang, un a Vöran y l terzo a Sest.
L prim ntervënt tla Ladinia ai 18 de juni ie stat da fé a Badia per na emergënza sanitera. Do la valu­tazion dl dutor àn menà l pazient tl spedel de Burnech, da ulache n ie julei riesc de viers dl Jëuf de Frea per jì a to un dala roda che se ova fat mel. Davia che l ne fova nia saurì ti ruvé permez, àn lascià ju cun na binda i sucuridëures, che à ciarià l ël tl vacuum. L pazient ie unì menà tl spedel de Persenon.
Ai 19 de juni iesen julei sun l Jëuf de Frea ulache n laurant fova tumà te n fòs y se ova fat mel al pe y al fil dl spinel. Do la prima cures iesen julei limpea tl spedel de Persenon. Da iló iesen pona julei sun la via fereda dl Pößnecker, per jì a to doi alpinisć.

De plu tla edizion stampeda de La Usc di Ladins o sun l e-paper a paiament www.lausc.it/e-paper