La Usc di Ladins

Luana Tomasi l é na tousa da Poza, de 22 egn. L’à fat l liceo scientifich de la Scola Ladina de Fascia e do se aer diplomà con 100/100 l à dezidù de jir inant coi studies e de se enscinuar a l’università. La se à scrit ite a la facoltà de Scienze de la Comunicazion a Bologna, n percors curious e con n muie de materie desferente e che deida a cognoscer dalvers la linguistica e i mesi de comunicazion, chi più veies desche la radio e la televijion e chi più neves, soraldut i social. 

Tel terzo an de so percors universitar Luana l’à tout part anter i autres ence a n cors de sociolinguistica, materia che studia soraldut coche l lengaz l é influenzà da la sozietà e ence coche, de contra, chesta la muda aldò de coche se rejona laite. Aldò de n particolar enteres per cheste costion, Luana l’à dezidù de enjignar sia tesi apontin su la sociolinguistica, jan a fon sul argoment spezifich di »malapropismes«, n fenomen linguistich per chel che na persona la dora na parola al post che n’autra, da spes percheche no la cognosc dalvers chela dreta che l’aessa da durar.

De più su La Usc stampèda de en vender ai 28 de jugn.  (Thomas Zulian)