La Usc di Ladins

L gran grop de zirca 40 animatores de la Coprativa sozièla INOUT l é vertech per tachèr via ence te chest istà 2024 la scomenzadives per bec e joegn, de sostegn a la families e de gran emportanza per ge dèr l met a la neva generazions de stèr ensema, fèr grop, cognoscer a na vida gustegola e percacenta l teritorie olache i vif.

Per l sesto an per i bec da Sèn Jan e per l secondo an per chi de la Val de Sora, coi prumes de messèl pea via Istagran Vael e Istagran Sela, i projec de animazion per i più picoi, ouc a bec e bezes dai 6 ai 11 egn. I animatores, en dut passa 30 anter i doi projec, l é joegn del teritorie engaissé e piens de idees; fora per l’aisciuda i à programà la 9 setèmenes, che perveit atività dal lunesc al vender, con n muion de scomenzadives e raides fora per noscia val. 

Per joenec e joenetes dai 12 ai 16 egn, ai 15 de messèl pearà via la setima edizion de Cistà, l projet de animazion de 30 dis efetives, che compagna i partezipanc très i meisc de messèl e aost a viver na lingia de giornèdes riches de apuntamenc, spas e stèr ensema a na vida sana e propositiva.

De più su la Piata de la joneza de La Usc stampèda de vender ai 28 de jugn.   (Thomas Zulian)