La Usc di Ladins

Ai 9 de lugio ie l prim ntervënt tla Ladinia stat tert domesdì sun la Fur­cela de Putia, ulache n escur­scionist se ova fat na fratura davierta ala giama a jì juvier. L ie unì trat su cun la binda y menà cun l joler a Persenon.
Ai 10 de lugio dala 7:30 ie l joler unì mandà dala zentrela per n ntervënt sun l prim Ciampanil dl Sela. N ël che jiva a crëp fova tumà ju vint metri. L ël ova batù l spinel y l cë y se ova fermà te troi ulache la corda l ova tenì. L dutor, deberieda cun i Judacrëp, à medià l melcapità de 50 ani dla Val Sarentin. Cun na binda scialdi curta iel unì trat su tl joler y menà tl spedel de Bulsan.
Ai 11 de lugio à la zentrela cherdà per n ntervënt deberieda cun i Judacrëp de Gherdëina. Daujin al lift Comici 1 fova n’ëila tumeda cun la roda batan dassënn l cë. Canche n ie ruvei sun l post fova l’ëila inò pra sé y nscila iesen julei a Bulsan te spedel.

De plu tla edizion stampeda de La Usc di Ladins o sun l e-paper a paiament www.lausc.it/e-paper