Chesta l é na bela domanda. Giö son del Tomas Comino da Moena, son nasciuda ai 13 de luio del 1935 e i me à metù inom Berta percheche mia ava, la mare de mia mare, la vegniva da l’Austria e l’aeva chest inom. Canche son deventada monia è tot su l inom de Suor Liliana, enlaoita da monie ge voleva tor su n inom nöf percheche se scomenzava na vita növa. Ma a Moena tropes i me chiama amò suor Berta.
Siede vegnuda dal Brasil e da Sèn Vile i Ve à fat gran festa…
Giö vegne ogne 3 egn, ma chesta oita l é stat n moment spezial. Son ruada a 60 egn de vita religiosa e i me à fat na festa beliscima, con la Banda, nosc paroco don Gianni, i autres preves, l era ence l vescof don Assolari da Bergamo, con el è colaborà 15 egn tel Brasil. L é stat dut bel, ma la roba più bela l é che è podù ge dir al Signoredio »varda còme che te son restada fedele«. (LG)
De plu tla edizion stampeda de La Usc di Ladins o sun l e-paper a paiament www.lausc.it/e-paper
