La Usc di Ladins

Bondì Claudia, co te prejentásseto a zachei che no te cugnësc?
Mi son la Claudia, son fodoma de pere e de mere, è carántacinch agn, è n fradel doi agn plu vegle de mi. Son nasciuda e chersciuda sa Daghè e ilo mio cuor restarà per duta la vita…
Son maridada sun Chierz e è doi fioi: chël maiou à bele vintidoi agn, nveze chëla mendra n’à undesc. L é passa vint agn che laore nte ostaria, al Albergo Al­pino, nte plaza da La Plié. Sun Chierz on ence na picola ativité: fiton apartamenc a turisć! Se rángion a fè dut n fameia, l é na ativité che và, che ne dà sodisfa­zion.

Elo velch n particolar che te te recorde de co t’eve tosata?
Sa Daghè l eva beliscimo! Co l eva da jì a scola, l plu de le oute mossonva jì ju a pe e ence su: e da Daghè a La Plié no l é proprio curta e ence plutost ërta.
D’inviern se tolonva la luosa e co l eva ora de tourné su speronva tres de ciapé l Giovani per podei rué su montei: velch outa passáva ence la postina, ma l plu de le oute no ie stonva duc cinch… co l ava dute le lade plene de posta, nte auto de duc no n’onva lerch!
L ricordo plu bel l é de mëda Roja e mëda Ana: co ruonva da scola le vigniva adincontra co la mere e le se tolëva nosta patrona su la schëna, per ne daidé fora.
E po de domënie: se jiva ja La Plié a mëssa e davomesdì ruáva ste doi mëde, co na moca dal café nte la mán, e se tirëva a le cherte: duc i davomesdis de dute le domënie! (Ntervista de Denni Dorigo)

De plu tla edizion stampeda de La Usc di Ladins o sun l e-paper a paiament www.lausc.it/e-paper