La Usc di Ladins

L prim ntervënt tla Ladinia ai 31 de lugio ie stat dala 11:28 a Ciampe­del, ulache n pop de nuef mënsc ova abù n mel de San Valantin. L joler ie stat riesc iló y do la prima cures dl dutor iesen julei cun l pitl – deberieda a si oma – tl spedel de Bulsan.
De reviers a Puntives iesen riesc inò piei via per l segondo ntervënt: n’ëila franzëusa se ova rot la sciabla sëura l lech pra la Scottoni.
L dutor la à medieda y ciarieda tla barela y l’ëila ie unida meneda cun l joler tl spedel de Burnech, da ulache l Aiut Alpin ie julà direta­mënter sëura San Ciascian, ulache n ël de passa 90 ani ne dajova nia plu batimënt. Purtruep à l dutor mé plu pudù cunstaté la mort dl ël.

Ai 1. de agost à la zentrela de Bul­san mandà l joler pra l ciamp dal sport Mulin da Coi a S. Cristina për n ël che ne se n stajova nia bën. Do la prima cures l àn menà tl spedel de Bulsan.
Dala 11:30 fòvel da julé te Fascia tl raion dl Jëuf de Ciaregole tla Val Duron, per na jëuna che ova perdù cuscienza y n’ëila che se ova rot l pols. Do la prima cures àn ciarià la jëuna y l dutor cun na binda y daldò cun n hoovering l’ëila cun l pols rot deberieda al sucoridëur. Tramedoves àn menà cun l joler tl spedel de Bulsan.

De plu tla edizion stampeda de La Usc di Ladins o sun l e-paper a paiament www.lausc.it/e-paper