La Usc di Ladins

A Vittorio Veneto en domenia ai 9 de mé se à coret la Madruk Trail, garejèda de corsa che à portà endò mingol de legreza e gaissa te la giames e tel cher di coridores. La corsa é stata endrezèda te doi percorsc desvalives, un de 15 chilometres, con 1000 metres de dislivel positif, e un de 25, con n dislivel de 1700 metres. Chesta formula à dat l met a pascioné de desvaliva sorts de se enscinuèr, e ence de spartir maormenter i coridores per respet de la normes anti-covid.

Mauro Rasom bron ti 15 chilometres

L’endesfida che se à dejout con start tel zenter storich de Serravalle à vedù la partezipazion ence del fascian Mauro Rasom, Team La Sportiva, che sul percors da 15 chilometres l se à vadagnà la medaa de bron: »É cernù de corer la 15 chilometres per scomenzar la sajon con na garejada asvelta e curta – l ne à dit – a na vida da ge dar maor intensità a le ame e al corp. Son n muie content de chest prum resultat, la sajon é scomenzada delvers«.

De più su La Usc stampèda de en vender ai 14 de mé del 2021.

 (Daniele Verra)