La Usc di Ladins

L’atleta da Vich, ensema a sia guida Fabrizio Casal, é stata premièda tel Friul olache se à serà su la garejèdes de Copa del Mond de la disciplines sveltes.

Per l’atleta Chiara Mazzel se sera su na sajon dalbon de or. En domenia ai 12 de mèrz a Sella Nevea tel Friul l é stat la finèles de Copa del Mond per la disciplines sveltes de schi paralimpich. Sul portoi de Monte Canon se à endesfidà 41 atlec da 17 nazions.

E chiò, tel chèder de na bela festa de sport, ge é stat consegnà a Chiara Mazzel e sia guida Fabrizio Casal la Copa de Spezialità. Chiara defat, enceben che no l’à garejà tel Friul percheche chisc dis passé la se à malà, l’à vent la classifica finèla de libera passan via la sudcoreana Sara Choi e la compagna de squadra Martina Vozza.   

De più su La Usc stampèda de vender ai 17 de mèrz.  (Monica Cigolla)