Desche vigni an, i South Tyrol Eagles à scomenzà sia sajon con n tornoi te la Repubblica Ceca.
Chest an la squdra é jita a Olomouc, olache se à jià n tornoi a ot squadres, spartides fora te doi gropes. Te la pruma part a girons, la ‘Ègues’ à jià la pruma partida contra la selezion austriaca, venjan per 8:0. La seconda partida é stata jièda contra la squadra de Havirov (Repubblica Ceca), olache i Eagles à vent per 3:1. L’ultima partida di girons è stata jièda enveze contra la squadra nazionèla di joegn de la Rep. Ceca, venjan ence chesta per 4:1.
Te la semifinèla del tornoi, la formazion sudtiroleisa à jià contra la squadra de cèsa de l’Olomouc. Do aer sfadià a scomenzèr via la partida co la giusta gaissa, i jiadores vidé da coach Comencini se à fat valer venjan per 5:0.
La venta ge à avert la strèda a la finèla del tornoi, olache i South Tyrol Eagles se à scontrà da nef contra la nazionèla di joegn ceca.
De più su La Usc stampèda de vender ai 15 de setember.
I South Tyrol Eagles venc la Olomouc Cup 2023
La formazion regionèla de hockey sun stroset, che tol ite ence jiadores ladins, à vent duta la partides de giron, semifinèles e finèla se vadagnan l prum post su la 8 squadres.
Galaria retrac
View the embedded image gallery online at:
https://www.lausc.it/sport/24934-i-south-tyrol-eagles-venc-la-olomouc-cup-2023#sigProId1defbe453b
https://www.lausc.it/sport/24934-i-south-tyrol-eagles-venc-la-olomouc-cup-2023#sigProId1defbe453b