La Festa del Schi del Comitat Trentin metuda a jir al Zenter di Congresc de Lavarone en sabeda ai 18 de mé, l é stat l’ocajion per l president del Comitat Trentin Fisi Tiziano Mellarini per palesèr sia sodesfazion portan dant i dac de l’ultima sajon, che desmostra l bon ejit del lurier portà inant ensema coi doi diretores sportives che se cruzia del setor nordich e del schi alpin, respetivamenter Giuseppe Sepp Chenetti da Moena per l nordich e Matteo Guadagnini per l alpin.
La Federazion provinzièla – à sotrissà Mellarini – tol ite 94 schi club e te l’ultima sajon la é stata bona de concostèr medaes te ben 11 de la 12 disciplines che vegn prateghèdes sui portoes e te la strutures del Trentin. I dac moscia avisa 174 medaes a livel nazionèl con 65 titoi taliegn, 22 atlec convoché per i mondièi di joegn, 6 podies ai mondiei junior e 41 podies en Copa del mond. Apede chest 7 atlec del Comitat à tout pèrt a Jeghes Olimpics di joegn te la Corea e 19 se à vadagnà medaes a livel european.
Anter duc premié a la Festa del Schi uzon fora i atlec fascegn de desvaliva disciplines.
De più su La Usc stampèda de en vender ai 24 de mé. (Lucia Gross)
Ejic ezelenc per i atlec ladins de la FISI del Trentin
A la Festa del Schi 2024 l é stat portà dant i resultac e la antizipazions per l davegnir. Anter i premié desvalives fascegn e atlec del Ski College e l Ski Team Fascia desche sozietà.
Galaria retrac
View the embedded image gallery online at:
https://www.lausc.it/sport/27209-ejic-ezelenc-per-i-atlec-ladins-de-la-fisi-del-trentin#sigProId06cf338226
https://www.lausc.it/sport/27209-ejic-ezelenc-per-i-atlec-ladins-de-la-fisi-del-trentin#sigProId06cf338226