Sabeda ai 22 de jügn s’á desfiré a Rosolina Mare la competiziun »Trofeo dei Territori de beach volley« dl Trivenet, por chëra che mitans y mituns da dötes les provinzies s’á sfidé sön le saurun. Tla categoria U16 feminila á garejé en iade implü les atletes Nadine Valentini y Lena Irsara dl’US La Ila, che s’á te süa categoria porté a ciasa la devënta, arjujan le scalin plü alt dl podest. Les döes mitans á tl’ultim tëmp gonot bele soghé deboriada, tulan pert a tornés y se metan te gofa tres indô de bi resultac.
N bel resultat ince por la provinzia dl Südtirol, che cun i punc arjunc deboriada dal grup feminil y chël maschil, á arjunt le secundo scalin dl podest tla garejada a livel regional.
Inier, ai 26 de jügn, é Nadine y Lena gnüdes nominades "Südtirolerinnen des Tages" da "Südtirol1".
Pröm post por Nadine y Lena. Sön podest por le Südtirol
A Rosolina Mare s’á desfiré tl’ultima sabeda, ai 22 de jügn, le torné de beach volley »Trofeo dei Territori« dl Trivenet. Nadine Valentini y Lena Irsara dl’US La Ila s’á porté a ciasa la devënta, svantoran la bandiera dl Südtirol
Galaria retrac
View the embedded image gallery online at:
https://www.lausc.it/sport/27431-proem-post-por-nadine-y-lena-soen-podest-por-le-suedtirol#sigProId4cd4031d79
https://www.lausc.it/sport/27431-proem-post-por-nadine-y-lena-soen-podest-por-le-suedtirol#sigProId4cd4031d79