Bele ai 25 de ma á metü man le torné de beachvolley Raiffeisen Beachcup 2024, che prevëiga indöt 6 tapes, che vá a piz cun le campionat provinzial a Bornech, dai 15 ai 18 d’agost. Te chësc sport él ince la Uniun Sport La Ila che baia para y mostra tres indô de bi resultac. Insciö ésera ince stada pro la terza tapa, tignida tla fin dl’edema di 29 y 30 de jügn. Sis scuadres dla US La Ila á tut pert al torné, y por döes él garaté n podest, intrames tla U15 feminila. Les mius de dötes é stades Lena Irsara da Badia y Sofia Rudiferia da San Ciascian, che s’á assiguré la devënta, tratan che Anna Piccolruaz y Giulia Pescollderungg da La Ila á podü trá le salt sön le terzo scalin dl podest.
Do chësta fin dl’edema de palsa, jarára inant cun la cuarta tapa, che röia ai 13 y 14 de messé a San Ciascian.
Deplü t’La Usc di Ladins di 5 de messé (pablo)
Podesć söl saurun da Valdaora
Les jones dla US La Ila á fat parüda pro la terza tapa dl Raiffeisen Beachcup a Valdaora. Y sëgn röia la copa de beachvolley a San Ciascian
Galaria retrac
View the embedded image gallery online at:
https://www.lausc.it/sport/27465-podesc-soel-saurun-da-valdaora#sigProId36fbcb4cee
https://www.lausc.it/sport/27465-podesc-soel-saurun-da-valdaora#sigProId36fbcb4cee