L’ultima radunanza metuda a jir enstadì dal Ski Team Fascia se à avert con n bel video pien de moviment e colores che moscia l’atività di picoi e joegn atlec de la sociazion, tant a livel agonistich che no agonistich, te la desvaliva disciplines.
La radunanza é stata metuda a jir ence con na pèrt straordenèra, ajache con la reforma del sport l era besegn de fèr vèlch mudament aldò de la neva normatives. Con chesta ocajion l é stat fat i vèresc percheche la sozietà posse ciapèr la personalità giuridica, a chesta vida la responsabilità del President, e de dut l Diretif, la vegn limitèda percheche no i cogne responer con sie patrimonie personèl per dut chel che podessa sozeder. N vèrech conscidrà emportant per na sozietà encomai grana e con n muie de ativitèdes, che va da evenc de Copa del Mond e Copa Europa fin a l’atività coi più picoi.
De più su La Usc stampèda de en vender ai 12 de messèl. (Lucia Gross)
De bela neves per l Ski Team Fascia
Te la radunanza generèla l é stat prejentà l’atività e l rendicont economich con n bilanz che zacan l à n segn positif. Aproà ence vèlch mudament al statut, ades l STF à personalità giuridica.
Galaria retrac
View the embedded image gallery online at:
https://www.lausc.it/sport/27530-de-bela-neves-per-l-ski-team-fascia#sigProIdb460cb71df
https://www.lausc.it/sport/27530-de-bela-neves-per-l-ski-team-fascia#sigProIdb460cb71df