La Usc di Ladins

Fascia e l Trentin à scrit n’autra piata tel panoram del sport internazionèl col prum Campionat del Mond UCI de Enduro e E-enduro con la partezipazion de 222 atlec en raprejetanza de 32 nazions. Chela fascèna, stata dai 13 ai 15 de setember, l é stat na edizion da lejenda per la dificoltèdes che à portà la neif vegnuda ju chisc dis passé e per i percorsc n muie tecnics, slizienc e empegnatives che à metù al luster i prumes campions del mond de la spezialità de roda da mont che per la cronaca é stac duc franzousc: Kevin Miquel e Estelle Charles te la E-enduro con n super Andrea Garibbo, 35 egn da La Spezia, che à vadagnà na bela medaa de arjent, enveze te la competizions da muscoi la venta é jita a Isabeu Courdurier, te sia ultima competizion da profescionista, e a Alex Rudeau.
La garejèda resservèda a la E-enduro é stata endrezèda sun n percors che pervedea nef proes spezièles con doi ‘power stage’ per en dut 43 chilometres e 2500 metres de dislivel.

William Basilico, responsabol del event, à palesà gran sodesfazion per l ejit de la garejèdes. »Sion segures de aer endrezà na manifestazion de gran suzes che restarà te la storia, i prumes Campionac del Mond UCI te la categories de Enduro e E-enduro – à dit Basilico. Voi rengrazièr i promotores e maor sponsor desche l’ApT de Fascia, Fassalift e Wdb.«

De più su La Usc stampèda de en vender ai 20 se setember.  (MB)