La parola todescia Heimat la é senestra da traslatèr e pecia paroles é coscita tant riches de emozions e al medemo temp coscita tant sfumèdes. Te n mond che seghita a mudèr, che comporta na perdita de leames sozièi, la cura de la tradizion e de la Heimat ciuta fora desche na alternativa a la svelteza digitalisèda moderna. La Heimat vegn vivuda da na pèrt desche n refuge arcaich che soscedea l’auto-reflescion. Da l’autra, la storia e la situazion politica daldianché desmostra coche chest ideèl posse vegnir strumentalisà e portèr a la esclujion, fin a la violenza e la vera.
Sun chest conzet à lurà 25 artisć e artistes de la Region Trentin Südtirol col esplorèr l conzet de Heimat travers desvalives mesi de esprescion e sun livie de contegnù desferenc.
En sabeda ai 7 de setember l é stat inaugurà la esposizion al SKB ARTES jun Busan e en vender ai 13 de setember enveze l é stat avert la mostra al Granaio de Nomi, olache la restarà fora fin ai 25 de otober.
De più su La Usc stampèda de vender ai 13 de setember. (Monica Cigolla)
L’èrt se mesura con l’Heimat
25 artisć e artistes de la Region Trentin Südtirol à tout pèrt a doi esposizions che lea ensema teritories e contegnui anter Busan e Nomi.
Galaria retrac
View the embedded image gallery online at:
https://www.lausc.it/atualite/27918-l-ert-se-mesura-con-l-heimat#sigProId2a67884f34
https://www.lausc.it/atualite/27918-l-ert-se-mesura-con-l-heimat#sigProId2a67884f34
