La Usc di Ladins

Ai 3 de setëmber à n’am­­bulanza menà ada­lerch tla sënta a Pun­­­tives n’ëila cun coliches ai renions.
L dutor ti à dat zeche con­tra l mel y la pazienta à pona pudù furné inant cun l’ambulanza nchin tl spedel de Persenon.
Ai 4 de setëmber ie l joler pià via dala 11:00 de viers de Corvara, plu avisa sun la via fereda dla Tridentina, ulache n ël se òva giapà n sas ju per l pe. Ciarià tl joler, iel unì menà tl spedel de Burnech. Dala 15:00 ie n jëunn da tlo passà tla sënta ajache l se ova trat ora de luegia na sciabla. Cun ël iesen julei a Persenon te spedel.
Dala 17:00 àn cherdà l joler sun Secëda dlongia Pieralongia, ulache un dala roda fova tumà. Nce ël se ova trat ora de luegia na sciabla y ie unì menà cun l joler tl spedel de Persenon.
Ai 5 de setëmber à la zentrela cherdà su riesc da duman per n’emergënza sanitera a Urtijëi. Cun l auto àn menà l dutor dala pazienta; l ti à fat la prima cures y tëut la dezijion de la mené cun l’ambulanza tl spedel de Persenon.
Daldò à la zentrela de Trënt damandà do l joler per n ntervënt a Ciampedel, ulache n pop de cin’mënsc ne stajova nia bën. L ie unì menà deberieda cun si oma tl spedel de Persenon.

De plu tla edizion stampeda de La Usc di Ladins o sun l e-paper a paiament www.lausc.it/e-paper