Gé son Thomas Coter, son da Gries e é 17 egn. Chest istà é neteà i vièi per l’APT de Fascia con Daniele Iori e Marco Verra. Fae la scola agraria a Sèn Micel, l percors de ‘Gestion ambient e teritorie’ e volesse orir na azienda boschiva.
Perché pa èste dezidù de fèr chesta scola?
La scola la é deziduda percheche me sà bel jir tel bosch e chel che l é duta la gestion del bosch. Studion biologia, da la piantes a la gestion di ecosistemes da mont, a la besties che vif ti bosć.
E te volesses fèr l boschier… perché pa? No te sèl pericolous e?
Ei, volesse doventèr boschier percheche canche vae tel bosch, ence con mie père Stefano, stajesse ló dutoldì a bater ju piantes, me sà bel e me gode. Peisse che sie un di lurieres più pericolousc che l é, ma te sès, se na roba la te sà bela, ence se la é pericolousa, te la fèsc istesc. (NICO)
De plu tla edizion stampeda de La Usc di Ladins o sun l e-paper a paiament www.lausc.it/e-paper
