La Usc di Ladins

Inier, juebia ai 12 de setëmber, iel rot ora n fuech te na cësa privata tla Streda Dantercëpies te Sëlva. Da n cher' passà la trëi domesdì ie i Destudafuech de Sëlva y de Santa Cristina ruvei pra la cësa che vardova y à udù ite che l se tratova de n ntervënt plutosc cumplicà. Nscila àn damandà l aiut nce di Destudafuech de Urtijëi y Runcadic. Permò do cater ëura de lëur sot ala nëif iel garatà de destudé l fuech. La flames ne se à nia slargià ora al rest dla cësa o ala cëses daujin y deguni ne se à fat mel, ma l dann materiel ie grant. Pra l ntervënt fòvel nce la Crëusc Blancia, la Crëusc Cuecena y i Carabinieres de Sëlva, l ie unì adurvà doi sceles di destudafuech.

USC