La Usc di Ladins

Dotours
Dutor Gherdëina
L dutor de servisc da n sada ai 14.09. dala 08:00 daduman nchin la 08:00 daduman de n lunesc ai 16.09. ie l dutor Giuliano Piccoliori de S. Cristina, tel. 0471 792282 o 348 3301004.
Dotur Val Badia
Tla fin dl’edema 14 y 15 de setëmber él en sorvisc ti cin’ comuns dla Val Badia le dotur Alberto Caretta, Badia, tel. 0471 839706 o 380 3161999.

Apoteches
Apoteca Gherdëina
L’apoteca de servisc ora dl orar urdiner de giaurida da n vënderdi ai 13.09. nchin n vënderdi ai 20.09. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 13 de setëmber dales 19:00 al vëndres ai 20 de setëmber ales 19:00, é chëra da Corvara, tel. 0471 830237.

Temp Lede
Atualmenter
Pigui Experience te Museo Ladin de Fascia
Te Museo Ladin de Fascia, al priesc de 2 euro apede al biliet de entrèda, se pel tor pèrt al jech »Pigui Experience«, reality game che fèsc cogno­scer l sit archeologich de Ma­zin. Desponibol da la domenia al vender da les 10:00 a les 12:00 e da les 15:00 a les 19:00 con prenotazions sul sit www.istladin.net.
Atualmenter
Oraries Museo Ladin de Fascia
L Museo Ladin de Fascia é avert fin ai 10 de otober demò domesdì da les 15:00 a les 19:00 e do l resta serà dut invern per lurieres de segureza. Info: 0462.760182.
Atualmënter
La Val: ala descurida dl paisc
Na ciacia al tesur particolara portará fora por le paisc da La Val chësc isté. Ara se trata de na spazirada interativa da na staziun al’atra, cun le tra­vert da ciafé la parora de soluziun, chirin les staziuns fora por paisc. Dötes les informaziuns y i materiai da pié ia ciafon tl ofize turistich da La Val.
Uni vënderdi
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, mo n chësc vënderdi ai 13 de setëmber.
14.09.
»Wownature«
En sabeda ai 14 de setëmber sön Planac sura Corvara pón tó pert dales 11:30 al’iniziativa WOWnature, olache an pó senté n lëgn tl bosch desdrüt da Vaia por dé n contribut ala sconanza ambientala y al’aumënt dla biodiversité locala. An pó se scri ite sot a: https://4g8qwfs8mb9.typeform .com/altabadia-2024?typeform -source=www.wownature.eu
14.09.
Fora por le tru di pra
En sabeda ai 14 de setëmber pón tó pert dales 8:30 tl paisc da La Val a na picera maratona por escurjionisć fora pro le tru di pra. La lunghëza é de 25,8km y al sará deplö sta­ziuns, che dá fora val’ da man­gé y da bëre. Iscriziuns online o pro i ofizi turistics dl’Alta Badia.
15.09.
Festa

• 
•  

View the embedded image gallery online at:
https://www.lausc.it/manifestazions-y-evenc/27886-manifestazions-atuales#sigProId5ccc9af5d2

de fin sajon sun Ciampac
En domenia ai 15 de setember sun Ciampac con scomenz da les 10:30 fin les 16:00 vegn endrezà festa con la families per serèr su la sajon. Sarà musega, jeghes, spetacoi de boles de saon e laboratories creatives. L cost per l impiant portamont é per duc al priesc spezial de 10 euro per jir su e ju.
15., 17. y 19.09.
Kidshour – devertimënt por mituns sö alalt
Pro le parch »Movimënt« sön Piz Sorega vëgnel metü a jí ai 15, 17 y 19 de setëmber jüc, animaziun y devertimënt por mituns da 5 a 10 agn. La ma­nifestaziun vëgn tignida vigni mertesc, jöbia y domënia dales 13:30 ales 17:00, cina ala fin de setëmber. Iscriziuns online o ti ofizi turistics dl’Alta Badia.
16.09.
Le monn di funguns
Sot al’iniziativa ATIRA vëgnel tigní en lönesc ai 16 de setëmber n’escurjiun tres chëla che an imparará val’ deplö söi funguns, nia ma da i cöie mo ince da i conësce fora y da i respeté y tröp de ater. An piará ia dales 09:30 a La Val cun Andrea. Iscriziuns online o ti ofizi turistics.
17.09.
Gosté da paur
En mertesc ai 17 de setëmber pón tó pert al »Gosté da paur« pro le Lüch Maierhof a La Val. Dales 7:45 fejon na cörta spazirada da Spëscia cina pro le lüch che an pó vijité y jí ince te stala y ti ciaré ai tiers denant che se gode n bun gosté cun lat, smalz, üs, pan y d’atres spezialités fates te ciasa. Iscriziuns online o ti ofizi turistics.
20/22.09.
Festival del Spretz Tzaorì
Dai 20 ai 22 de setember a Moena l é l Festival del Spretz Tzaorì con degustazions de formaes, cooking show e picol marcià de produtores a chilo­meter 0. En sabeda ai 21 entorn mesdì l é la desmon­teèda a Soraga e en domenia la vaces rua te paisc de Moena. Da les 10:30 te piaz de Sote­grava vegn taà la moles con la partezipazion del comich Lucio Gardin.
21.09.
Marcià de San Matië
L marcià de San Matië unirà a se l dé n sada ai 21 de setëm­ber dala 08:00 inant tl raion da jì a pe de Urtijëi.
21.09.
Di dla rëies daviertes
La Lia Uciei Gherdëina nvieia duc a unì a ti cialé a si atività scientifica, n sada ai 21 de setëmber. N possa passé can­che n uel, danter la 8:00 y la 12:00, dlongia la plaza dai auti tla segonda raida sëura l restaurant Gerard sun Sela de Culac. L unirà spiegà avisa cie che l vën fat, i resultac y i vantajes dla nrescides.
22.09.
Culinarium Urtijëi
Urtijëi ie cunesciù nce per si gran varietà culinaria. Dai 24 de setëmber inant, nchin ai 13 de utober, piterà i restau­ranc cëines rafinedes, spëisa tradiziunela de Südtirol o ladina, ma sambën nce spëisa dla Talia y pizza. La strutures che fej pea ie: Costamula Restaurant, Restaurant Pizze­ria Mauriz Keller, Stua Cato­res, Restaurant Tubladel, Hotel Genziana, Ustaria Da Checco, Café Restaurant Val d’Anna, Zicoria Brasserie, Restaurant Pizzeria Lamm, Restaurant Mont Sëuc.

Avisc
Atualmenter
I oraries de Pedies
Se pel veder Pedies sul canal 10 de la televijion Trentino TV, de sabeda da les 18:00, de domenia da les 13:30 e de lunesc da les 11:30. Con Smart TV sul medemo canal l é semper a la leta orian co la friza en su i sotcanai HBBTV, sot la ousc TML. Duc i video e filmac dac fora dal Comun General é ence sul canal Tv Ladina de Youtube.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.
13.09.
Utere de Claus Soraperra
Anché, vender ai 13 de setem­ber da les 17:00 te Museo Ladin de Fascia, l artist Claus Soraperra porta dant na per­formance artistica con debatit moderà da Gabriele Lorenzoni curator museèl e responsabol de la Galeria Civica de Trent.
16.09.
Scontrèda con Martin Riz
Lunesc ai 16 de setember lo dal refuge Antermoa da les 14:00 per la rassegna #vivere­inrifugio de la Fondazion Dolomites Unesco l é na scon­trèda con Martin Riz gestor del refuge sun Antermoa e la moderazion de Flavio Faoro per entener che che l é do che muda tel ruol de la uties da mont.
20.09.
La regola per salvar la vita
En vender ai 20 de setember da le 20:30 te teater parochial de Poza l Comun General e l Comun de Sèn Jan met a jir la sera se prevenzion cardio­vascolara »La regola de le 5A salva la vita«. Tol part l pri­marie e i dotores de cardiologia del Ospedal Santa Chiara de Trent: Roberto Bonmassari, Marcello Disertori e Massi­miliano Marini. Duc é envié.
21-22.09.
50 egn de la Crousc Biencia de Cianacei
Ai 21 e 22 de setember la Crousc Biencia de Cianacei festeja i 50 egn al Park del Ciuch. En sabeda l tendon aur da les 18:00 e da sera musega coi ‘Schilcherland­buam Quintett’; en domenia messa te gejia del Sacro Cher da les 10:30 e do defilèda, marena con la Musega Auta Fascia, manovra di volontères e tai de la torta.
22.09.
Di dl barat dla Lia di Culeziunisć de Gherdëina
N dumënia ai 22 de setëmber, dala 8:00 nchin la 13:00, tën la Lia di Culeziunisć de Gher­dëina si di dl barat per duc i nteressei tla Cësa di Cungresc a Urtijëi.

Agricoltöra
19.09.
Borjé i polorins
En jöbia i 19 de setëmber dales 13:30 inant gnaral borjé i polorins söl lüch de Bosch­daplan a La Ila.

Televijion
Atualmënter
Tg

• 
•  

View the embedded image gallery online at:
https://www.lausc.it/manifestazions-y-evenc/27886-manifestazions-atuales#sigProId5ccc9af5d2

Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
17.09.
Arlevamenc alternatives
Dales 20:50 ca. Se se peissa a n arlevament tropa outes l prum pensier che rua l é chel de gregn stalons piens de vaces cetes e serèdes daite. Ma no duc i é apontin cosci, soraldut ti ultimes vint egn, l é sutà fora muie de pensieres alterna­tives su besties e be­stiam. Jon a cognoser doi realtà che à fat de sia spezialità sia forza coi yak, highlander e alpaca. Ape­de a chisc jiron a cognoscer la realtà di Butteri te la Maremma. Program de Matilde Gazzini a cura de Anna Mazzel.
18.09.
Trail spezial
Dales 20:50 ca. A cura dla redaziun.
19.09.
Deboriada
Dales 20:50 ca. Program y cun­zet: Ivan Senoner, tai: Georg Penn, a cura de: Leo Senoner.

Radio
Atualmënter
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA
13.09.
Agnes Irsara: »La mujiga juda nce a prië«
Dales 19:05. Agnes Irsara ie nce stata alalongia dirighënta dl cor Kerygma y cun ëila vëniel rujenà de n valgun’ aspec dla mujiga y dla religion, davia che Agnes ie nsenianta y sëu­rapro nce ispetëura de religion dla scoles ladines. Trasmiscion de Simon Moro­der.
14.09.
Momënc de vita – intervista a Mirko Costa
Dales 19:05. Mirko Costa é chersciü sö a La Ila, bele da pice ál tres albü la pasciun por la musiga y le cianté y do avëi fat la scora alta a Bornech âl tut la dezijiun da jí a fá na scora por Musical a Hamburg y da 7 agn inca virel a Bar­celona, Mirko nes cunta de süa esperiënza a Hamburg y de so laur tl ciamp di Musical. N program de Erika Cas­tlunger.
Atualmënter
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
15.09.
La grupa de mujiga »sun | sëida«
Dales 19:05. La grupa de mu­jiga, »sun|sëida«, che se à metù adum dan za. doi ani, à na gran legrëza a suné y cian­­té deberieda, ti dajan esprescion ala lidëza. Bele pra plu ucajions se à Carmen Insam, Ujep Runggaldier, Martin Demetz y Gabriel Demetz prejentà dan l publich. Te chësta ntervista conta Ujep y Martin danter l auter ciuldì che l ti sà bel a suné deberieda, coche la grupa ie nasciuda, ce sort de mujiga che i fej y ce mpurtanza che la mujiga à per ëi. Trasmiscion de Sofia Stuflesser..
17.09.
Terapia del teater e PlaThea
Dales 13:45. La terapia del teater l é na sort de terapia creativa che pel dider la per­sones a lurer sun se enstesses e pel esser de utol te duc i setors psico-soziai. En rejonon con Erika Castlunger che da tropes egn se desc jù ence con la teatroterapia e che adum con de etres à metù su PlaThea na sociazion che se cruzia de pedagogia del teater te Südtirol. Conduzion Anna Mazzel.
18.09.
N auter turism: pesc & breakfast
Dales 19:05. La fadia del lurer tel turism pel deventer gran stress olache no se à più temp per familia o auter ruan a creer problemes de ecuiliber che fesc sciamper i joegn da chest model. Purampò l’é ence modie alternatives te l’endrez del turism. En rejonon con Manuel Dellago. Program de Anna Mazzel e Elide Mussner.
19.09.
Nosc lingaz tla boccia de nüsc sciori
Dales 19:05. La linguista y filo­loga Daria Valentin á svi­lupé na ligna de pici libri, por che ince i foresti che röia te nostes valades, pois imparé val’ parora ladina y insciö rové plü dlungia a nosta realté linguistica y culturala. N pro­gram de Sara Frenner.

Sport
13/15.09.
Mondièi Enduro e E-Enduro a Cianacei
Fin ai 15 de setember a Ciana­cei l é i Campionac Mondièi de Enduro e E-Enduro: anché, vender ai 13 proes ledies sui percors del Fascia Bike Di­strict anter Ciampac, Belve­dere e Rodela; sabeda ai 14 da les 8:00 a les 17:00 gare­jèdes e premiazions; domenia ai 15 da les 9:00 a les 16:00 percorsc averc al publich.
28.09.
Ladinia Cup Memorial Gino Comelli
En sabeda ai 28 de setember l Socors da mont Auta Fascia e l Fascia Climbing endreza la Ladinia Cup Memorial Gino Comelli na garejèda de rampinèda sportiva resservèda ai sozi de la stazions del Socors da mont de la valèdes ladines. La garejèdes lo da la palestra ADEL de Ciampedel taca ite da les 9:30, da les 16:00 finèles e sobito do la premiazions.

Mostres y Ert
Atualmënter
30 ani UNIKA – Fiera dl’ert
Tl Zënter dal Tennis de Run­cadic/Urtijëi uniràl inò a se l dé la mostra tradiziunela UNIKA, che festejea si 30 ani de atività. La mostra sarà da udëi nchin ai 15 de setëm­ber. Chertes de ntreda direta­mënter pra la mostra o tla Lies dl Turism de valeda, priesc (sëura i 18 ani): 10,00 euro.
Atualmenter
Mostra de ArtèDonna
Enscin ai 15 de setember te Ciasa Iellici de Tieser con orarie 16:00-19:00 e 20:30-22:00 se pel veder la mostra coletiva de la artistes de Fascia e Fiem ‘ArtèDonna’ de la so­ciazion La Voce delle Donne.
Atualmenter
Matthias Sieff a la Trienala de Bad Ragaz
L cognosciù artist da Ciam­pedel Matthias Sieff tol pèrt con sia gran operes a »Bad RagARTz« la maor esposizion de scultures a l’averta d’Euro­pa, te chesta sia IX edizion dal titol »Presente«. Tel Gies­senpark de la zitadina termala svizera l é operes de 88 artisć. Les resta fora fin a la fin de otober.

Mujiga
13.09.
UNIKA’s Long Night
Tl zënter dal Tennis a Run­cadic uniràl a se l dé la »Nuet longia dl’UNIKA«, ulache l sunerà y cianterà Max von Milland – n vënderdi ai 13 de setëmber dala 20:30 inant.
13.09.
Recital omaje a Bepi de Francesch
Insnet vender ai 13 de setem­ber da les 21:00 te sala Simo­nin Maza de la scoles de Moena vegn portà dant l recital omaje a Bepi de Fran­cesch ‘Noi alpinisti siamo sognatori’ a 100 egn da sia mort con la oujes de Chiara Turrini e Beatrice Scartezzini compagnèdes dal Cor Enro­sadira, museghes de Stefano Dell’Antonio.
19.09.
I Sons de la Dolomites sun Vael
En jebia ai 19 de setember da les 14:00 lo dal Refuge Roda de Vael, tel chèder de I Sons de la Dolomites, l é l conzert del Gurdjieff Ensemble che porta dant museghes tradizio­nèles de l’Armenia.
19.09.
Conzert »Cinquino Brass«
En jöbia ai 19 de setëmber vëgnel tigní n conzert te salf dles manifestaziuns a La Ila dales 20:30. Al gnará porté dant dal grup musical »Cin­quino Brass«, n grup local de stromënc a fle, metü adöm da Günther Graber, Fabiano Ruin, Alexander Perathoner, Hans Finatzer y Wolfgang Rabensteiner.

Referac
14.09.
De cie à pa debujën nosc mutons:ans?
La Lia Gaia nvieia a n domesdì de film y descuscion sada ai 14 de setëmber dala 14:30–16:30 tla sala dla Cassa Raif­fei­­­sen a S. Cristina. Tl film »Good enough parents« ti va l regisser Domenik Schu­ster do a mic y manieres de crëscer i mutons:ans (nchin ai 6 ani) te l’ultima generazions – ciunes jissel pa de bujën de lascé vester, ciunes mantenì? Ala fin saral mo na descuscion cun la referëntes Karin Plan­ker y Linda Faconti. Ntreda a dunfierta liedia.
16.09.
Dialog.. coche ciamp de proa deberieda
La Lia Gaia nvieia a na sëira de pratica sun l dialogh, n lunesc ai 16 de setëmber dala 18:00–21:00 te Calonia de Sëlva. La ancunteda ie adateda a duc chëi che ulëssa miuré si maniera de dialoghé cun i autri. Referëntes: Jutta Wieser y Katharina Erlacher. Ntreda a dunfierta liedia.
23.09.
La sëur dla craitles salveres
La biblioteca de San Durich a Urtijëi mët a jì n referat cun l cuech da na stëila Michelin Armin Mairhofer sun la sëur dla craitles salveres y co les recunëscer, tlupé y adurvé, n lunesc ai 23 de setëmber dala 20:00. L unirà nce prejentà n liber sun l argumënt.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun sozio­sanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698 343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é da­verta vigni secunda jöbia, dales 9:30 ales 10:30. Le pro­scim termin é ai 26 de setëm­ber. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Se­niores). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Cursc
16.09.
Iscrizions: Fit tl cë - cun juesc y devertimënt
L KVW de Urtijëi mët a jì de plu ancuntedes per ëi y ëiles dai 60 ani insù, ntan chëles che n fajerà alenamënc per la reazion, la memoria y flescibltà tres juesc y devertimënt, cun la reladëura Isolde Senoner. L curs va dai 3 nchin ai 31 de utober: n se anconta for de jue­bia, 09:30 - 10:30 tla biblio­teca de San Durich. Iscrizions: dai 16 - 27.09. te biblioteca de S. Durich (ma­scim 15 per­so­nes). Priesc: 30€.

Iadi y Jites
19.09.
Jita tla Dolomites Ampezanes
La grupa »Nëus jon pa bel plan« dla Lia da Mont Gher­dëina mët a jì na bela jita tl raion dla Dolomites Ampe­zanes. L vën furnà nchin sun l Jëuf de Fauzares per pië su sun sciorta y ora per la Val Travenanzes nchin a Fiames. L sarà da jì n 5,5 ëura cun n deslivel de 400 metri suvier y 1.200 metri juvier. N possa se nuté su da n merdi ai 10.09. nchin a n merdi ai 17.09. da Ciofes Inge a Urtijëi, Malsiner Soriva a S. Cristina y da Sport Bruno Riffeser te Sëlva.

Religion
14.09.
La Val: preparaziun dl Bato
La Uniun dles Ëres Catoliches dl Decanat Val Badia inviëia i geniturs che á n viadú da batié, pêrs che aspeta, toc y totes de nosc decanat ala pre­paraziun dl Bato, en sabeda ai 14 de setëmber dales 15:00 ales 17:00 a La Val, tl salf dles ma­nifestaziuns. Prëibel se pre­noté pro Lucia al numer 334 3200396.
02. – 07.10.
Pelegrinaje a Medjugorje
Al vëgn organisé n pelegrinaje al santuar de Medjugorje, dai 2 ai 7 d’otober (6 dis). Por pre­­­notaziuns podëise tó sö contat cun Daniele y Patrizia Agostini al numer de telefon 335 5268546. Informaziuns ciafon pro Konrad y Cristine Sottara da La Val al 0471 843077 o al 338 5027312.

Chino
Atualmenter
Al chino de Tieser
Anché vender ai 13 de setem­ber da les 21:15 e en sabeda ai 14 da les 17.15 l é »Beetle­juice«. En sabeda da les 21:15 enveze se pel veder »Il fanta­stico mondo di Harold« che vegn dat fora ence en domenia ai 15 da les 17:15 a euro 3,50. Al medemo priesc en domenia da les 20:30 se pel veder »Deadpool & Wolverine« e en mercol ai 18 da les 21:15 »Peri­colosamente vicini«. Pro­gram su www.cinematesero.com.

Segres y Festes
14.09.
Festa de giaurida dl parch »Valtoi – Rëni di sënsc«
Ai 14 de setëmber vëniel giaurì l parch te Val: dala 14:00 saràl la naugurazion, dala 15:00 purterà la grupa de Teater de Sëlva dant n pez dl Medieve y daldò saràl festa y d’uni sort de ntratenimënt per mutons y mutans.
15.09.
Segra de Badia
Tl paisc de Badia vëgnel tigní ai 14 y 15 de setëmber la segra da pert dles uniuns da paur dl paisc. La sabeda vëgnel alzé le lëgn da segra dales 15:00 y la sëra jará inant cun musiga da pert dl grup »Stomm­tischa« y la Böhmische de Badia. La domënia mët man cun la mëssa dales 10:00 y vá inant cun le conzert dla Müjiga de Badia dales 12:30. Dales 15:00 pón odëi i tiers che vëgn de munt y le domisdé jará inant cun müjiga de Stefan Santi y spezialités gastrono­miches sön paiun a San Linert.
20.-21.09.
Festa dl jol
L Club Parapendio Gherdëina mët a jì la festa dl jol sun plaza dai auti de Col Raiser/S. Cri­stina. La festa mët man n vënderdi dala 17. Dala 20:30 inant sunerà The Kill Billi’s y dala 22:30 inant meterà DJ Stickstoff su de bela mujiga. N sada jiràla inant cun de plu garejedes (l prugram plu avisa ie da abiné sun valgardena.it), domesdì puderàn fé n pitl curs per purvé a julé cun l parapënd. Dala 21:30 sunerà pona i Pëufla y dala 23:30 inant meterà DJ Pesx su de bela mujiga.