La Usc di Ladins

Na defileda da culëures, cun passa 1500 persones, mutons y mutans da duta la Talia, fova da udëi tres l zënter de Urtijëi n mierculdi dl’ena passeda. L se tratova dla festa per la giaurida dl »Gran Premio Giova­nissimi«, la fineles dla garejedes de schi, pudejé y snowboard che vën me­tudes a jì a livel naziunel dal AMSI, la lia di maestri de schi dla Talia.

La garejedes ie unides a s’l dé dai 25 ai 28 de merz sun Plan de Gral­ba chëles de schi alpin y snow­board, y sun Pana chëles de pudejé. De ndut à fat pea 1886 mutons y mutans dai 7 ai 12 ani y plu avisa fòvel 1675 partezipanc y partezipantes pra la garejedes de schi alpin, 166 atlec y atletes de pudejé y 45 de snowboard. L pudova fé pea i 15 miëur atlec y atletes per uni categuria de uni region dla Talia. L ne fova nia l prim iede che chësta fineles ie unides urganisedes te Gherdëina.

Elisabeth Kostner

L articul ntier tla edizion nueva de La Usc di Ladins de n vënderdi ai 4 de auril.