Contra el cancro
Dute pó dià Airc, ra asociazion taliana contra el cancro: basta caminà par ra strades de Anpezo con »Cortina in rosa« el mes che vien
Domegna ai 8 de otobre, dares 10 da bonora, se moe in piaza, sote el cianpanin. Ci che vó fesc ‘na caminada pi curta, de 4.5 chilometre; sedenò se pó fei un śiro pi longo, ma leśier, da śuià, de 14.5 chilometre. Ome e femenes à da bete 15 euro; 5 par i pizete. Se sà che dute pó bete algo depì, se i à acaro. Dute chi che se scrie inze ciaparà una maieta co ra scrita, da bete par ra caminada e ‘na medaia, canche i rua. Se pó beleche se scrie inze ignante, da chi de ra Atletica Cortina: a parecià duto chesto ‘l é ra presidente Laura Antoniacomi, aduna con Barbara Giacomuzzi e Marco Dimai Fileno. Sentreave, che pi śente ‘l é e pi se pó dià na man, par fei de ‘l ben.
Galaria retrac
View the embedded image gallery online at:
https://www.lausc.it/valedes-ladines/anpezo/24920-contra-el-cancro#sigProId00272b53e7
https://www.lausc.it/valedes-ladines/anpezo/24920-contra-el-cancro#sigProId00272b53e7