La Usc di Ladins

Vei ca danoo. Cemodo che v’aon dito in curto su chesto sfoi de ra setemana pasada, anche par sto an ‘l é danoo chi cuatro smatiśoi de ra Filodramatica d’Anpezo che porta in śiro par el paes el so teatro. I à betù gnon teatro d’istade. Ogni an, canche ‘l é d’outon i fesc el so laoro inze ‘l Alexander Girardi Hall e ra śente và da lore a i vede; inveze co ‘l é d’istade ‘l é lore che và da ra śente, a portà nafré de arte, de bona armonia, de voia de stà aduna e anche de ride, con un pezigo de satira. Chesto de sta ota ‘l é un teatro scrito par ladin anpezan da Elisabetta Zardini Zesta e Elsa Zardini Soriza, che i tende anche a ra rejia. Sul palco vedaron alcuante de i atore solite, con Lorena Alberti Minel, con calche śoen che scomenza a ciapà inze con chesta conpagnia, che ades r’à par presidente Luciana Pradetto.

De plu tla edizion stampeda de La Usc di Ladins o sun l e-paper a paiament www.lausc.it/e-paper