Coi 17 de mé l é tacà ite la sajon da d’istà sun Sas Pordoi. La forenadoa l’à avert endondanef do la paussa e man a man, chisc dis che vegn, orirà endò ence duc i etres 33 impianc anter Fascia e Ciareja. L prum sarà la forenadoa de Ciampedie al prum de jugn, dapò chi de Dèlba-Col di Rosc e de Rodela ai 8 de jugn e a roda duc i etres coi 15 chi de jugn. L Panorama Pass dèsc l met de mudèr ogne dì destinazion per ruèr sui ponc panoramics più bie. Anter la novitèdes de chest an l é l nef percors tematich sun Bufaure pissà per la families con bec picoi ajache se passa anter operes originèles e gustegoles e olache l é ence l soul labirint de la Dolomites. Ence sun Ciampac se pel jir ge do al nef percors a tapes con box tridimensionèi con ite reproduzions de scenes de vita de la montagnoles per emparèr n muie de curiositèdes sun chesta besties e sensibilisèr gregn e picoi sul tem del respet del ambient. A chisc percorsc se jonta apede ence l nef troi ‘Anel de Or’ che te presciapech 40 menuc porta da Gherdecia sun Pordoi.
De più su La Usc stampèda de en vender ai 31 de mé. (Monica Cigolla)
Verc i prumes impianc
Do la forenadoa de Sas Pordoi, col prum de jugn aur ence chela de Ciampedie per sporjer l met de goder de nesc bie monc.
Galaria retrac
View the embedded image gallery online at:
https://www.lausc.it/valedes-ladines/fascia/27240-verc-i-prumes-impianc#sigProIdb752988f74
https://www.lausc.it/valedes-ladines/fascia/27240-verc-i-prumes-impianc#sigProIdb752988f74