La Usc di Ladins

Chel del viac l é n tem muie sentù, soraldut anter noi joegn che aon semper più estro de descorir le maravee che nosc mond pel ne mosciar. 
Proprio de chest rejona l tredejeisem numer de ‘Filoreflex’, l sfoi che dal 2017 en ca vegn dat fora da  la redazion di studenc de la Scola Ladina de Fascia.  
I scritores ne moscia l viac te n muie de forme desferente: i ne conta la storia del turism che aon chiò te Fascia, i ne consea na playlist de cianzon che rejona del tem, i ne fasc tor part a n viac anter la storia de la filosofia… 
Te n’intervista doi bec che à fat l quarto an de scola te la Germania e tel Canada i ne arvejina a che che vel dir star per n an te n paisc forest e esser coscita dalbon viajadores, e no demò turisć. 
Doi studente ne fasc vegnir n gran estro de partir per l’Albania, tera che de maraveous no l’à demò l mar, ma ence la cultura, che la é duta da descorir! 
No mencia l’atualità, con l articol che rejona de la realtà senestra de la Corea del nord. Chest e n auter scrit i é per ingleis… cal lengaz mior che chest per rejonar de viac e paijes foresć?!

Podede lejer dut su La Usc stampèda de en vender ai 28 de jugn.  (Anna Vasselai)