La Usc di Ladins

L é fenì ence chest an de scola! Desche duc i egn la Scola populara de Vich la se à dat ju te desferente atività, soraldut te projec che revarda l respet per l ambient. 

Duc i scolees de le clasc é stac atores e autores de so saer: i à emparà n muie de robe da la didatica laboratoriala con esperc da fora, ma ence da la consapevoleza che ic enstesc sarà i gregn del davegnir e che, ence chiò te val, per na calità de la vita miora, l é emportant far valch mudament. 

Le maestre à vidà i bec a pissar ai comportamenc respetousc per l’ambient, da co durar l’energia eletrica a na vida responsabola a co far dalvers la regoeta desferenziada, da l’emportanza che à l’aga per la tera en general a coche l é possibol la sparagnar te nosce ciase, dal magnar a na vida sana a la creazion de n ort gestì proprio dai bec enstesc.

De più su La Usc stampèda de en vender ai 5 de messèl.  (Scolees e dozenc de la populara de Vich)