L é stat n gran lurier per l Comun de Soraga chel per meter a nef l frabicat te mez paisc, sora Pra del Preve, olache l era la scola populères. Ades che per l smendrament demografich la scola a Soraga no la é più, chela strutura à ciapà neva vita: daite da chi mures color śal e grisc che se veit da dalonc, cresc zirca 60 bec dai 0 ai 6 egn. Presciapech mec i va a la scolina, mec enveze i va dal uton passà te la neva coa di fantolins.
L’aministrazion l’à volù spetèr la sègra per fèr l’inaudazion ofiziala e la benediscion, coscita do messa, la procescion con confalons, preves, cor e raprejentanc istituzionèi, Grop de folclor e jent, la é jita fin dedant al frabicat renovà, che l é stat benedì dal piovan don Andrea Malfatti.
L ombolt Valerio Pederiva à contà mingol la storia che à portà a chesta »ciasa di bec«, n inom che aon cernù – l à dit – percheche chiò volon che nesc picioi vegne rencuré, secodii e petolé tant che te sia majon.« Ades Soraga à l onor de aer la pruma coa di fantolins de Fascia: n servije spetà da egn che mencèa demò te noscia val.
De più su La Usc stampèda de en vender ai 5 de messèl. (Lucia Gross)
Benedida a Soraga la »Ciasa di bec«
L frabicat che ge dèsc lèrga ai bec de la scolina e a la neva coa di fantolins é stat inaudà ofizialmenter l dì de la sègra dal Comun de Soraga con istituzions e jent de duta Fascia.
Galaria retrac
View the embedded image gallery online at:
https://www.lausc.it/valedes-ladines/fascia/27470-benedida-a-soraga-la-ciasa-di-bec#sigProId2ae10f1ed6
https://www.lausc.it/valedes-ladines/fascia/27470-benedida-a-soraga-la-ciasa-di-bec#sigProId2ae10f1ed6