La Usc di Ladins

Troèr fora soluzions condividudes per miorèr la mobilità e la calità de n teritorie conscidrà de gran emportanza a livel naturalistich, turistich e economich per dut l Trentin; n teritorie che, ensema con Fiem, sarà protagonist de la perferida de ospitalità leèda a la Olimpiades 2026. Con chest obietif en lunesc ai 8 de messèl i aministradores fascegn é stac chiamé a Trent dal president de la Provinzia autonoma Maurizio Fugatti ensema col conseier provinzièl ladin Luca Guglielmi.

A la scontrèda, apede al procurador del Comun General Giuseppe Detomas, ai ombolc de Cianacei Giovanni Bernard, de Ciampedel Ivo Bernard, de Mazin Fausto Castelnuovo, de Sèn Jan Giulio Florian, de Moena Alberto Kostner e a la vizeombolta de Soraga Sandra Bussolon, l era ence l dirigent general del Departiment infrastrutures e trasporc PAT Luciano Martorano e l dirigent del Servije de strèdes e ferates Apop Carlo Benigni.  

De più su La Usc stampèda de en vender ai 12 de messèl.  (Lucia Gross)