Na performance artistica zis fora de anter se à dejout enstadì a Cianacei: l festival ‘Danzare a monte’ l é ruà adalèrch fora per la strèdes de paisc. Vidé da Michele e Liliana, n picol grop de jent à descorì l’èrt del jir a pe te sia desvaliva formes, compagné da paroles e notes musicales te l’ureia.
‘Danzare a monte’ l é n projet artistich che conjobia bal contemporan e teritorie e l porta dant evenc e spazirèdes sa mont, soraldut forin Fiem, ma ampò descheche à dit dantfora l coordenador del event Lorenzo Morandini, »chest an aon dezidù de ruèr chiò te Fascia, acioche podassane envièr via n confront de valuta ence per de etres apuntaments tel davegnir«.
»Jir a pe l é na azion che se fèsc tel spazie e l’à desvaliva formes, - coscita à prejentà Michele Losi, l event ‘Just Walking’ – anché vardaron de meter en relazion chesta azion con chel che ne stèsc dintornvia«.
De più su La Usc stampèda de en vender ai 12 de messèl. (Nicoletta Riz)
Jir a pe: che segnificat èste pa?
L festival ‘Danzare a monte’ à endrezà na spazirèda a Cianacei per descorir coluna formes desvalives pel aer l jir a pe.
Galaria retrac
View the embedded image gallery online at:
https://www.lausc.it/valedes-ladines/fascia/27533-jir-a-pe-che-segnificat-este-pa#sigProIdbf94d7783d
https://www.lausc.it/valedes-ladines/fascia/27533-jir-a-pe-che-segnificat-este-pa#sigProIdbf94d7783d