La Usc di Ladins

Te passa diesc egn la se à fat cognoscer per la calità de sia proponetes e per l livel de formazion che la ge sporc a bec e joegn te dut l raion che tol ite la valèdes de Fascia, Fiem, Cembra e ence te la provinzia de Belun, a Col e tel agordin. La sociazion »Le Muse e le Dolomiti«, vidèda da la presidenta Oda Zoe Hochscheid à endrezà en lunesc ai 8 de messèl na conferenza stampa per portèr dant sia atività e en particolèr sia XII rassegna de musega da d’istà, che sporc conzerc de musega classica e lirica e de teater musical. 
Da uzèr fora anter dut l’opera lirica »Gianni Schicchi« de Puccini, tel centené del gran componist, che vegnarà portèda dant te Navalge a Moena ai 25 de messèl en colaborazion con la sociazion da Moena »Aurona« e sie diretor, l maester Claudio Vadagnini.

De più su La Usc stampèda de en vender ai 12 de messèl.

 (LG)