L’Union di Ladins de Fascia, ensema al Pian Joegn »La Risola«, porta dant na neva scomenzadiva, l projet »Conscric«, che nasc da la volontà de conservèr na tradizion amò prejenta e viva ti joegn de Fascia.
Via per l uton vegnarà metù a jir n laboratorie artistich-creatif olache touses e fenc podarà emparèr a fornir su l ciapel con fiores e vetes aldò de la tradizion e ence a decorèr l gramièl brun, element più vejn tel temp ma che oramai l fèsc pèrt de la tradizion. I materièi vegn metui a la leta da la sociazion.
La scomenzadiva sarà compagnèda da n enteressant projet de musega portà dant da n joen dj fascian, DJ Sem, che per l’ocajion l à lurà fora en chief moderna toc de musega tradizionèla cianté e registré ensema a vèlch tous endèna l’aisciuda e l istà.
Per aer maor informazions se pel chiamèr l’Union al numer 0462/764545, chi che vel se enscinuèr i pel manèr n messaje whatsapp al medemo numer.
De più su La Usc stampèda de en vender ai 12 de messèl.
Tradizion a son de musega... moderna
N projet de l'Union di Ladins che se ouc ai conscric de chest an o di egn che vegn, per emparèr a se fèr enstesc ciapel e gramièl, viventà da cianties de la tradizion reinterpretèdes con DJ Sem.
Galaria retrac
View the embedded image gallery online at:
https://www.lausc.it/valedes-ladines/fascia/27535-tradizion-a-son-de-musega-moderna#sigProId4af055e50c
https://www.lausc.it/valedes-ladines/fascia/27535-tradizion-a-son-de-musega-moderna#sigProId4af055e50c
